- દુલ્હનની વિદાયનો વીડિયો વાયરલ
- વિદાય વખતે હસે છે દુલ્હન
- વીડિયોને લોકો કરી રહ્યા છે પસંદ
દિકરી જ્યારે લગ્ન કરીને સાસરે જાય ત્યારે રડુ કોને ન આવે ? બાળપણ, શાળા, અને કોલેજ સહિત જિંદગીના 25થી 30 વર્ષ પોતાના માતા પિતા સાથે કેવા અમૂલ્ય રહ્યા હોય. અને અચાનક આ બધુ છોડીને પારકા ઘરે જવાનું આવે તો દુ:ખની લાગણી અનુભવાય એ સ્વાભાવિક છે. વિદાયની ઘડીએ આંખમાંથી આંસુ આવી જાય. પરંતુ સોશિયલ મીડિયામાં એક એવી દુલ્હનનો વીડિયો વાયરલ થયો કે જે જોઇને એમ થાય કે અરે, આ તો ગજબ કહેવાય.
હેપ્પી બ્રાઇડ..હેપ્પી ફેસીસ
ઈન્ટરનેટ પર વાયરલ થઈ રહેલા આ વીડિયોને જોઈને લોકો ખૂબ જ એન્જોય કરી રહ્યા છે. વિડિયોમાં દેખાતી દુલ્હનની હરકતો એટલી રમુજી છે કે તેની વિદાય સમયે પરિવારના સભ્યોએ જ તેને કહેવું પડે છે કે તેણે હસવાને બદલે થોડું રડવું જોઈએ. મહત્વનું છે કે સોશિયલ મીડિયામાં એક વીડિયો વાયરલ થયો છે જેને લોકો ખૂબ પસંદ કરી રહ્યા છે. આ વીડિયોમાં દુલ્હને વિદાય વખતની દુલ્હનની ઇમેજને જ ચેન્જ કરી દીધી છે.
વિદાય વખતે હસી રહી છે કન્યા
વાયરલ થઈ રહેલા વીડિયોમાં જોઈ શકાય છે કે વિદાય સમયે દુલ્હન એટલી ખુશ છે કે વરરાજા તેને જોઈને પોતે હસવા લાગે છે. વિદાય સમયે તે વિધી પુરી કર્યા બાદ હસતી અને નાચતી હોય છે. વિદાયની આ ઘડીએ કન્યાપક્ષના લોકો બૂમો પાડીને કહી રહ્યા છે કે થોડુ તો રડ .. જો કે દુલ્હન રડતી તો નથી પરંતુ રડવાની થો઼ડી એક્ટિંગ કરી લે છે.
ક્યૂટ દુલ્હનનો હટકે અંદાજ
લગ્નનો આ વીડિયો ઈન્સ્ટાગ્રામ પર શેર કરવામાં આવ્યો છે. જેના કેપ્શનમાં લખ્યું છે કે આ વીડિયોમાં તે છોકરીને ટેગ કરો જેની વિદાય ખૂબ જ રમુજી હશે. આ વીડિયોને લોકો ખૂબ પસંદ કરી રહ્યા છે અને 11 હજારથી વધુ લોકોએ તેને લાઈક કર્યો છે. તમામ યુઝર્સે પોતાના પરિચિતોને વીડિયો પર ટેગ કર્યા છે.
