- પત્રકાર સાથે મારઝુડના કેસમાં સલમાનને રાહત
- હાઈકોર્ટે કેસ રદ્દ કર્યો
- સલમાન પર પત્રકાર સાથે મારપીટનો હતો આરોપ
બોમ્બે હાઈકોર્ટે સલમાન ખાનને મોટી રાહત આપી છે. એક્ટરના વિરૂદ્ધ 2019ના એક કેસને હાઈકોર્ટે ફગાવ્યો છે અને તેમના દરેક આરોપોને પણ ફગાવ્યા છે. કિસી કા ભાઈ કિસી કી જાન એક્ટર વિરૂદ્ધ કેસ ક્રમિનકલ કેસને રદ્દ કરવાના આદેશની સાથે કોર્ટે એ પણ કહ્યું છે કે જ્યુડિશિયલ પ્રોસેસને ફક્ત એટલા માટે બીન જરૂરી ઉત્પીડનનો માર્ગ ન હોવો જોઈએ કે આરોપી એક સેલિબ્રિટી છે.
સલમાન ખાન વિરૂદ્ધ વર્ષ 2019માં એક પત્રકાર અશોક પાંડેએ ડરાવવા અને ધમકાવવાની ફરિયાદની સાથે કેસ નોંધાવ્યો હતો.
બોમ્બે હાઈકોર્ટે આદેશમાં શું કહ્યું?
જસ્ટિસ ભારતી ડાંગરેએ 30 માર્ચે સલમાન ખાન અને તેના બોડીગાર્ડ નવાઝ શેખ દ્વારા દાખલ એપ્લીકેશનને મંજૂર કરી દીધી હતી અને લોઅર કોર્ટ દ્વારા જાહેર કરવામાં આવેલી કાર્યવાહી અને પ્રક્રિયાને રદ્દ કરી છે. મંગળવારે હાઈકોર્ટે કહ્યું કે મજીસ્ટ્રેટની કોર્ટ સમન જાહેર કરતા પહેલા પ્રક્રિયાત્મક આદેશનું પાલન કરીને ફેલ રહી.
કોર્ટે પોતાના આદેશમાં કહ્યું, "ન્યાયિક પ્રક્રિયાને ફક્ત એટલા માટે અનાવશ્યક ઉત્પીડનનો માર્ગ ન હોવો જોઈએ કારણ કે આરોપી એક સેલિબ્રિટી છે અને કાયદાની પ્રક્રિયાનું પાલન કર્યા વગર તેને એક ફરિયાદકરતાના હાથે બીન જરૂરી ઉત્પીડનનો શિકાર ન બનાવવામાં આવે."
કાર્યવાહી ચાલુ રાખવી પ્રોસેસનો દુરૂપયોગ
જજે આગળ કહ્યું કે આ એક ફિટ મામલો હતો જ્યાં અરજી કરનાર (સલમાન ખાન અને શેખ)ના વિરૂદ્ધ પ્રોસિડિંગ્સ જાહેર કરવી અને કાર્યવાહી ચાલુ રાખવાના પ્રોસેસના દુરૂપયોગથી ઓછી નથી. કોર્ટે કહ્યું અને સેબ્સટેન્શિયલ જસ્ટિસ માટે હું વિવાદિત આદેશને રદ્દ કરવો યોગ્ય સમજુ છું. ન્યાયમૂર્તિ ડાંગરેએ પોતાના નિર્ણયમાં એમ પણ કહ્યું કે અરજીકરનારના વિરૂદ્ધ કોઈ પણ કાર્યવાહીને ચાલુ રાખવાનું રિઝલ્ટ ઘોર અન્યાય હશે.
શું છે સમગ્ર મામલો?
જણાવી દઈએ કે મેજિસ્ટ્રેટ કોર્ટે માર્ચ 2022માં સલમાન અને તેના બોડીગાર્ડ નવાઝ શેખ વિરૂદ્ધ સમન જાહેર કર્યો હતો જેમાં તેમણે 5 એપ્રિલ 2022એ રજૂ થવાનો આદેશ કર્યો હતો. આ આદેશ એક પત્રકાર અશોક પાંડેની ફરિયાદ પર પાસ કરવામાં આવ્યો હતો.
પત્રકારે આરોપ લગાવ્યો હતો કે તેને સલમાન ખાન અને તેના બોડીગાર્ડ દ્વારા ધમકી આપવામાં આવી હતી અને તેમની સાથે મારપીટ કરવામાં આવી હતી. ત્યાં જ સલમાને સમનને પડકારતા હાઈકોર્ટમાં અરજી કરી હતી. આ પછી 5 એપ્રિલ 2022એ HCએ સમન પર રોક લગાવી હતી.
