ખગોળીય / અદભૂત અનુભવ કરવા થઈ જાઓ તૈયાર, આ તારીખે આકાશમાં દેખાશે બ્લૂ મુન, જાણો કેવી રીતે જોઈ શકશે

• આ વર્ષે ચંદ્રની દુર્લભ ખગોળિય ઘટના 
• ઑગસ્ટમાં આકાશમાં જોઈ શકાશે બ્લૂ મૂન
• 3 વર્ષોમાં એક જ વાર બને છે બ્લૂ મૂન

સૂર્ય-ચંદ્ર અને ગ્રહો થોડા-થોડા સમયે પોતાની ચમત્કારી કળાઓથી દુનિયાને ચોંકાવતાં હોય છે. ઘણાં વર્ષોની પ્રતીક્ષા બાદ આકાશમાં કંઈક અવનવી ઘટનાઓ માણસ પોતાની આંખે જોઈ શકે છે ત્યારે એક્સપર્ટસ્ અનુસાર 3 વર્ષોમાં એક જ વાર Blue Moon નરી આંખે જોઈ શકાય છે. અને  ઑગસ્ટ 2023માં બ્લૂ મૂન જોવાનો આપણી પાસે સારો અવસર છે.

ક્યારે જોવા મળશે બ્લૂ મૂન?
આમ તો આ દ્રશ્ય અમેરિકામાં જોવા મળશે પરંતુ ફોટોઝ-વીડિયોઝની મદદથી તમે પણ આ અદભૂત ઘટનાને નિહાળી શકશો. અમેરિકાનાં લોકો 1 ઑગસ્ટનાં સાંજે 6.33એ આકાશમાં સુપર મૂન જોઈ શકશે. આ સાથે જ 30 ઑગસ્ટનાં બ્લૂ મૂન જોઈ શકશે. આ બંને દ્રશ્યો આંખઓને ઠંડક આપનારાં રહેશે. 

બ્લૂ મૂન ક્યારે જોવા મળે છે?
એક્સપર્ટસ્ અનુસાર બ્લૂ મૂન દર ત્રણ વર્ષે જોવા મળે છે. આ વર્ષે દેખાયા બાદ હવે 2026માં જોવા મળશે.  જો તમારી પાસે ટેલીસ્કોપની સુવિધા છે તો તમે આ દ્રશ્યને ઘણી સારી રીતે જોઈ શકશો.

બ્લૂ મૂન એટલે શું?
જો તમે પણ એવું માનતા હોવ કે બ્લૂ મૂન એટલે ચંદ્રનો રંગ વાદળી થઈ જાય તો એ ખોટું છે. બ્લૂ મૂનનો રંગ સાથે કોઈ સંબંધ હોતો નથી. જ્યારે કેલેંડરનાં એક મહિનામાં 2 પૂનમ આવે છે ત્યારે તેને બ્લૂ મૂન કહેવામાં આવે છે.  એટલે કે 31 દિવસમાં 2 વખત પૂર્ણિમાં આવે ત્યારે બ્લૂ મૂન થયો કહેવાય.