કાર્યવાહી / સુરતમાં દારૂનાં વેપારની હરિફાઈમાં ખેલાયો લોહિયાળ જંગ, બે ગેંગ સામ સામે આવી જતા બે ના મોત, 10ની ધરપકડ

• સુરતમાં દારૂના વેપારની હરીફાઈમાં બે યુવકની હત્યા
• બે ગેંગના સાગરીતો સામ સામે આવી જતા મામલો બિચક્યો
• પોલીસ દ્વારા ગુનો નોંધી કાયદેસરની કાર્યવાહિ હાથ ધરી

સુરત પોલીસ સુરત શહેરને સુરક્ષિત રાખવા માટે સતત ગુનેગારો પર પોતાનો સકંજો કસવાની વાત કરતી હોય છે. આ વચ્ચે સુરતના ચોક બજાર વિસ્તારમાં દારૂના વેપારની હરીફાઈમાં ઓરિસ્સાના વતની એવી બે ગેંગ આમને સામને આવી જતા ત્રણ વ્યક્તિઓ પર જીવલેણ હુમલો કરવામાં આવ્યો હતો. આ લોહિયાળ જંગમાં બે યુવકોના મોત થયા હતા. પોલીસે આ મામલે 10 લોકોની ધરપકડ કરી છે.

પેટ્રોલિંગ દરમિયાન સાથે પકડી પાડ્યા
સુરત પોલીસ ગુનાખોરી ડામવા માટે પોતાના વિસ્તારમાં પેટ્રોલિંગ કરી અસામાજિક તત્વો સાથે ગુનેગારોની તપાસ કરી તેમના પર કાયદેસરની કાર્યવાહી કરતી હોય તેવું છાશવારે સાબિત કરતા હોય છે આ વચ્ચે ગુના સુરતમાં સતત બનતા હોય છે ગુનેગારો પર સુરત પોલીસની પકડ નથી તેઓ પણ સાબિત થતું હોય છે.  બે દિવસ પહેલાં સુરત પોલીસ દ્વારા પેટ્રોલિંગ દરમિયાન આરોપીઓને પકડી પાડ્યા હતા.

 દારૂના વેપારની હરીફાઈમાં બે ગેગ જે મૂળ ઓરિસ્સાના વતની
દારૂના વેપારની હરીફાઈમાં બે ગેગ કે જે મૂળ ઓરિસ્સાના વતની છે. તે આમને સામને આવી ગઈ હતી.  બે દિવસ પહેલા આ ગેંગ આમને સામને આવી જતા ત્રણ વ્યક્તિઓને ગંભીર ઇજા પહોંચી હતી.

 પોલીસે હત્યાનો ગુનો દાખલ કરી 10 લોકોની ધરપકડ કરી
ત્રણેયને સારવાર હોસ્પિટલ ખસેડતા બે વ્યક્તિઓના કરૂણ મોત થયા હતા. જોકે ઘટનાની જાણ થતા પોલીસ તાત્કાલિક ઘટના સ્થળે પહોંચી તપાસ શરૂ કરી હતી. પોલીસે હત્યાનો ગુનો દાખલ કરી આ મામલે 10 લોકોની ધરપકડ પણ કરી છે. ત્યારે સવાલ એ ઉભો થાય છે. ગાંધીનગર ગુજરાતમાં દારૂબંધી વચ્ચે દારૂના વેપારની હરીફાઈમાં અને પોલીસ સુરતને સુરક્ષિત કહે છે. ત્યારે આ સુરક્ષા વચ્ચે ગેંગવોર જેવી ઘટના બને છે તો પોલીસની કામગીરી પર મોટા સવાલો ઊભા થઈ રહ્યા છે.