મહામારી / બિહારમાં લૂનો પ્રકોપ : ધારા 144 લાગૂ કરાઇ, 22 જૂન સુધી તમામ સ્કૂલો બંધ

બિહારમાં ભીષણ ગરમી અને લૂના પ્રકોપને જોતા ગયા જિલ્લામાં ધારા 144 લાગૂ કરી દેવાઇ છે. આ ઉપરાંત જિલ્લામાં નિર્માણ કાર્યો, મનરેગાના કામ અને ખુલ્લામાં સાંસ્કૃતિક કાર્યક્રમો પર સવારે 11થી સાંજે 4 વાગ્યા સુધી રોક લગાવી દેવાઇ છે. 

Gaya: District Magistrate issues an order in view of scorching heat under section 144 (prohibiting unlawful assembly); bans governmental/non-governmental construction works, MGNREGA labour work, and any cultural programme or gathering in open spaces, between 11 am to 4 pm. #Bihar pic.twitter.com/gLnR1Y0XeN

— ANI (@ANI) June 17, 2019

ગયાના જિલ્લાધિકારી અભિષેખ સિંહે ભીષણ ગરમી અને લૂના પ્રકોપને જોતા નિર્દેશ જાહેર કર્યો છે કે વાતાવરણ સામાન્ય થવા સુધી ધારા 144 લાગૂ કરી દેવાઇ છે. એટલે કે હવે કોઇપણ સાર્વજનિક કાર્યક્રમ, રાજનૈતિક કાર્યક્રમ, ધરણા પ્રદર્શન અને લોકા ભેગા થવા પર પ્રતિબંધ રહેશે. એટલે કે ખુલ્લા સ્થાને કાર્યક્રમ પર નિષેધ રહેશે. આપને જણાવી કે, આ પહેલીવાર છે કે જ્યારે ગરમીના પ્રકોપને જોતા ધારા 144 લાગૂ કરી દેવામાં આવી છે.

ડીએમ પોતાના નિર્દેશમાં એમ પણ કહ્યું છે કે, મનરેગાની કોઇ યોજના સવારે 10.30 વાગ્યા બાદ નહીં ચાલે. કોઇપણ નિર્માણ કાર્ય 11 વાગ્યે સવારેથી સાંજે 4 વાગ્યા સુધી નહીં કરી શકાય. તંત્રનું માનવું છે કે નિર્માણ કાર્યમાં રહેલા મજૂર તેના શિકાર બની રહ્યા છે.

આ દરમિયાન બજાર પણ બંધ રાખવાનો નિર્દેશ આપવામાં આવ્યો છે. તંત્રે લોકોને અપીલ કરી છે કે, લોકો ઘરમાં રહે અને જરૂરી કામ હોય તો જ બહાર નીકળે. બપોરે ઘરની  બહાર ન નીકળે તથા પાણી ખુબ જ પીવાનું રાખે.