- બિહારના પૂર્ણિયામાં દર્દનાક અકસ્માત
- પાણી ભરેલા ખાડામાં કાર ખાબકી
- 9 લોકોના મોત, 2 ઘાયલ
- લોકો તિલક વિધિ પૂરી કરીને ઘેર આવી રહ્યાં હતા ત્યારે બની ઘટના
બિહારના પૂર્ણિયા જિલ્લામાં એક મોટો માર્ગ અકસ્માત થયો છે. એક સ્કોર્પિયો પાણી ભરેલા ખાડામાં પડી જતાં 9 લોકોના ઘટનાસ્થળે જ મોત થયા હતા જ્યારે બે લોકોને જીવતા બહાર કાઢવામાં આવ્યા હતા. આ ઘટના પૂર્ણિયા જિલ્લાના બૈસી તાલુકાના અનગઢ ઓપીમાં કાંજિયા મિડલ સ્કૂલ નજીક બની હતી. આ ઘટના અંગે બૈસી એસડીએમ કુમારી તૌસીએ જણાવ્યું હતું કે તમામ પીડિતો તિલક વિધિ પૂરી કરીને રાત્રે જ કિશનગંજ જિલ્લાના નૂનીયા ગામના ખાપદા તારાબારીથી તેમના ગામ પરત ફરી રહ્યા હતા. આ દરમિયાન આ ભયંકર માર્ગ અકસ્માત સર્જાયો હતો.
લોકો તિલક વિધિ પતાવીને ઘેર આવી રહ્યાં હતા ત્યારે બની દુર્ઘટના
દુર્ઘટનાનો ભોગ બનેલા લોકો તિલક વિધિ પતાવીને ઘેર આવી રહ્યાં હતા ત્યારે આ દુર્ઘટના બની હતી જેમાં નવ લોકોના મોત થયા હતા.
નવ લોકોના મૃતદેહો મળ્યાં
10 લોકોથી ભરેલી એક સ્કોર્પિયો ખાડામાં પડી ગઈ, જેમાંથી અત્યાર સુધીમાં નવ લોકોના મૃતદેહો મળી આવ્યા છે. બે લોકોને જીવતા બચાવી લેવામાં આવ્યા હતા. પોલીસ અને બચાવ ટીમો ઘટના સ્થળે છે. મૃતદેહને પોસ્ટમોર્ટમમાં મોકલવાની કવાયત ચાલી રહી છે. કાંજિયાના વડા સમરેન્દ્ર ઘોષે જણાવ્યું હતું કે આ ઘટના બપોરે 2:00 થી 2:30 વાગ્યાની વચ્ચે બની હતી. અચાનક સ્કોર્પિયો કાર પાણી ભરેલા ખાડામાં પડી ગઈ. તીવ્ર વળાંક અને સ્કોર્પિયો અનિયંત્રિત હોવાને કારણે આ અકસ્માત સર્જાયો હતો.
2 લોકોને પાણીમાંથી જીવતા બહાર કાઢવામાં આવ્યાં
જેવી કાર પાણી ભરેલા ખાડામાં પડી કે તરત આઠ લોકોના તત્કાળ મોત થયા હતા જ્યારે 2 લોકો નસીબદાર નીકળ્યાં હતા અને તેમનું રેસ્કૂયુ કરાયું હતું.
