SHORT & SIMPLE / આ તારીખે યોજાઇ શકે છે તલાટી કમ મંત્રીની Exam, કેન્દ્રો બાબતે જિલ્લા કલેક્ટરોને સોંપાઈ જવાબદારી

• તલાટી કમ મંત્રીની પરીક્ષા અંગે હસમુખ પટેલનું નિવેદન
• 30 એપ્રિલે તલાટી કમ મંત્રીની પરીક્ષા યોજવાનું આયોજન- હસમુખ પટેલ
• 10 એપ્રિલ સુધી કેન્દ્રો મેળવવા જરૂરી: હસમુખ પટેલ

આવતીકાલે જુનિયર ક્લાર્કની પરીક્ષા યોજાવા જઈ રહી છે. જુનિયર ક્લાર્ક બાદ હવે તલાટી કમ મંત્રીની પરીક્ષાને લઈને પણ તૈયારીઓ આરંભી દેવામાં આવી છે. તલાટી કમ મંત્રીની પરીક્ષાને લઈને પંચાયત સેવા પસંદગી મંડળના ઈન્ચાર્જ હસમુખ પટેલનું નિવેદન સામે આવ્યું છે. તેમણે જણાવ્યું કે, એપ્રિલ મહિનામાં જ પરીક્ષા યોજવાનું આયોજન છે. આ માટે તૈયારીઓ શરૂ કરી દેવામાં આવી છે. 

જિલ્લા કલેક્ટરોને સોંપાઈ છે મહત્વની જવાબદારી 
હસમુખ પટેલે જણાવ્યું કે, તલાટી કમ મંત્રીની પરીક્ષા આગામી 30 એપ્રિલે યોજવાનું આયોજન છે. પરીક્ષા કેન્દ્રો બાબતે જિલ્લા કલેક્ટરોને જવાબદારી સોંપવામાં આવી છે.  પરીક્ષા કેન્દ્રો ઉપલબ્ધ ન થાય તો કેન્દ્રો ફરજિયાત મેળવવા ઓર્ડર કરાશે. મુખ્ય સચિવે આપેલી સૂચનાના પગલે નવા કેન્દ્રો મેળવવાની પ્રક્રિયા શરૂ કરવામાં આવી છે. 30 એપ્રિલે પરીક્ષા યોજવા માટે 10 એપ્રિલ સુધી કેન્દ્રો મેળવવા જરૂરી છે. જો 10 એપ્રિલ સુધીમાં પરીક્ષા કેન્દ્રો નહીં મળે તો પરીક્ષા લઈ શકાશે નહીં.

મંડળ તલાટીની પરીક્ષા 30 એપ્રિલે લેવા કટિબદ્ધ છે, પૂરતા કેન્દ્ર મળે તે માટે પ્રયત્નશીલ છે. કેન્દ્રો ઉપલબ્ધ થતા વિધિવત તારીખની જાહેરાત કરવામાં આવશે.

— Hasmukh Patel (@Hasmukhpatelips) March 23, 2023