મોટી ઝંઝટ દૂર / અમદાવાદમાં રિડેવલોપમેન્ટને લઈ મોટા સમાચાર, હવે સોસાયટીના આટલા સભ્યોની જ મંજૂરીની જરૂર, કોર્ટે આપ્યો ચુકાદો

• અમદાવાદમાં રિડેવલોપમેન્ટને લઈ મોટા સમાચાર
• રિડેવલોપમેન્ટ માટે કુલ સભ્યોના 75% સભ્યોની જ મંજૂરી જરૂરી
• અમદાવાદની એક સોસાયટીના કેસમાં હાઈકોર્ટની ડિવીઝન બેંચે આપ્યો ચુકાદો
• હાઈકોર્ટની ડિવીઝન બેંચે સિંગલ જજના ચુકાદાને ઠેરવ્યો યોગ્ય 

અમદાવાદમાં વર્ષો જૂની સોસાયટીઓ જર્જરીત થઈ જતા રહીશો દ્વારા રિડેવલપ કરીને નવીન સોસાયટી બનાવવા માટેની પ્રક્રિયા હાથ ધરવામાં આવી છે. ત્યારે સોસાયટી કે ફ્લેટ રિડેવલપ કરવા માટે સોસાયટીના સભ્યોની મંજૂરી લેવી જરૂરી છે. ત્યારે આ મામલે ગુજરાત હાઈકોર્ટ દ્વારા મહત્વનો ચૂકાદો આપવામાં આવ્યો છે.  

હાઈકોર્ટની ડીવીઝન બેંચે સિંગલ જજના ચૂકાદાનો યોગ્ય ઠેરવ્યો
અમદાવાદમાં રિડેવલોપમેન્ટને લઈ મોટા સમાચાર મળી રહ્યા છે. જેમાં હવે રિડેવલપમેન્ટ માટે સોસાયટીના 75 ટકા સભ્યોની મંજૂરી હોવી જરૂરી છે.  અમદાવાદની એક સોસાયટીના કેસમાં હાઈકોર્ટની ડિવીઝન બેંચે મહત્વનો ચૂકાદો આપ્યો છે. જેમાં હાઈકોર્ટની ડીવીઝન બેંચે સિંગલ જજના ચૂકાદાનો યોગ્ય ઠેરવ્યો છે. 

રિડેવલપમેન્ટ માટે હવે 75 સભ્યોની મંજૂરી જરૂરી
હાઈકોર્ટની ડીવીઝને બેંચે સિંગલ જજના ચૂકાદાના યોગ્ય ઠેરવતા કહ્યું હતું કે 75 ટકા સભ્યોની મંજૂરી હોય તો મેનેજીંગ કમિટી રિડેવલપમેન્ટ બાબતે નિર્ણય કરી શકે છે.  25 ટકા સભ્યોની અસહમતી હોય તો પણ રિડેવલપમેન્ટ થઈ શકે છે. ત્યારે અમદાવાદની સોસાયટીના કેસમાં 78 માંથી 74 સભ્યોએ મંજૂરી આબી હતી. ત્યારે 4 સભ્યોએ મંજૂરી ન આપતા મામલો કોર્ટમાં પહોંચ્યો હતો.