ભાવનગર ડમી ઉમેદવાર કૌભાંડ મામલે DEO કિશોર મૈયાણીએ આરોપી શરદ પનોદને શિક્ષકના પદથી અને પી કે દવેને BRCના પદ પરથી સસ્પેન્ડ કર્યા
Share
ડમી કાંડ મામલે ભાવનગરમાં શિક્ષણ વિભાગની મોટી કાર્યવાહી
આરોપી શરદ પનોદને શિક્ષકના પદ પરથી કરાયો સસ્પેન્ડ
સરતાનપર પ્રાથમિક શાળામાં શરદ પનોદ બજાવતો હતો ફરજ
ભાવનગરમાં ડમી ઉમેદવાર કૌભાંડ મામલે કાર્યવાહીનો ધમધમાટ ચાલી રહ્યો છે. એક તરફ બિપિન ત્રિવેદીની ધરપકડ કરાઈ છે તો બીજી તરફ પોલીસ ટીમ સંજય પંડ્યાની પૂછપરછ હાથ ધરી છે. આ બધાની વચ્ચે ભાવનગર શિક્ષણ વિભાગ પણ એક્શન મોડમાં જોવા મળ્યું છે.
આરોપી
પ્રકાશ ઉર્ફે પી.કે.દવેને BRC કો-ઓર્ડિનેટરમાંથી સસ્પેન્ડ કર્યા
ડમી કાંડ મામલે ભાવનગરમાં શિક્ષણ વિભાગે મોટી કાર્યવાહી કરી છે. આરોપી શરદ પનોદને શિક્ષકના પદ પરથી સસ્પેન્ડ કરાયો છે. સરતાનપર પ્રાથમિક શાળામાં શરદ પનોદ શિક્ષક તરીકે ફરજ બજાવતો હતો તેમજ પ્રકાશ ઉર્ફે પી.કે.દવેને BRC કો-ઓર્ડિનેટરમાંથી સસ્પેન્ડ કરાયો છે. ડમીકાંડમાં નામ સામે આવ્યા બાદ DEO કિશોર મૈયાણીએ કાર્યવાહી કરી છે.
આરોપી
અક્ષર બારૈયા નામના ઉમેદવારની કરી ધરપકડ
ડમીકાંડ મામલે વધુ એક આરોપીની ધરપકડ કરવામાં આવી છે. પોલીસે અક્ષર બારૈયા નામના ઉમેદવારની ધરપકડ કરી છે. સંજય પંડ્યાએ અક્ષર બારૈયાની જગ્યાએ ક્લાર્કની પરીક્ષા આપી હતી. SITએ અક્ષર બારૈયાની ધરપકડ કરી છે.
સંજય પંડ્યાની SP કચેરીમાં પૂછપરછ
ડમી કાંડ મામલે ગતરોજ SITએ કરાઈમાં PSIની તાલીમ લેનારા સંજય પંડ્યાની અટકાયત કરી હતી. સંજય પંડ્યાની અટકાયત કરાયા બાદ ભાવનગર SP કચેરી ખાતે તેની પૂછપરછ કરવામાં આવી રહી છે. સંજય પંડ્યાની ડમી કાંડ મામલે પૂછપરછ ચાલી રહી છે. સંજય પંડ્યાએ 2021માં ડમી ઉમેદવાર બનીને બિન સચિવાલયની પરીક્ષા આપી હતી. અક્ષય નામના ઉમેદવારની જગ્યાએ ડમી ઉમેદવાર બનીને સંજય પંડ્યાએ પરીક્ષા આપી હતી. જેને લઈ તેની અટકાયત કરવામાં આવી છે. ભાવનગરના ડમીકાંડ મામલે સંજય પંડ્યા વિરુદ્ધ કાર્યવાહી થઈ શકે છે. કરાઈ પોલીસ તાલીમ કેન્દ્ર સંજય પંડ્યાને ટ્રેનિંગ સેન્ટરમાંથી છુટ્ટો કરી શકે છે. આવતીકાલે સંજય પંડ્યાને કોર્ટમાં રજૂ કરવામાં આવશે.
.JPG)
.JPG)
