મેઘમહેર / ઉપરવાસમાં વરસાદથી બનાસકાંઠા તરબોળ: નદીઓમાં ઘોડાપૂર, જુઓ ક્યાં ક્યાં પડ્યો વરસાદ

• બનાસકાંઠા જિલ્લામાં વરસાદી માહોલ
• ધાનેરા અને દાંતીવાડા વિસ્તારમાં ધીમીધારે વરસાદ
• ધાનેરાના આસપાસના ગ્રામ્ય વિસ્તારમાં પણ વરસાદી માહોલ

 બનાસકાંઠા જીલ્લામાં વરસાદી માહોલ જામ્યો છે. ત્યારે ધાનેરા અને દાંતીવાડા વિસ્તારમાં ધીમીધારે વરસાદ વરસ્યો હતો. ધાનેરાનાં આસપાસનાં ગ્રામ્ય વિસ્તારમાં પણ વરસાદી માહોલ છવાયો હતો. બાપલા, વક્તાપુરા, કુંડી, વાછોલ ગામોમાં પણ વરસાદી માહોલ છવાયો હતો. 

રાજસ્થાનમાં ભારે વરસાદથી બનાસકાંઠાના જળાશયોમાં પાણીની આવક 
ઉપરવાસમાં પડેલ ભારે વરસાદને લઈ બનાસકાંઠામાં નદી નાળા છલકાયા છે. અમીરગઢ નજીક આવેલા મોટા અજાપુરા ગામ પાસે ચેકડેમ છલકાયો છે. તેમજ પહાડોમાંથી વહેતા ધોધમાં લોકો ન્હાવાની મજા માણી રહ્યા છે. દૂર દૂરથી લોકો પરિવાર સાથે ન્હાવા આવી રહ્યા છે. રાજસ્થાનમાં ભારે વરસાદથી બનાસકાંઠાનાં જળાશયોમાં પાણીની આવક થવા પામી છે. 

બનાસ નદી બે કાંઠે વહી રહી છે
બનાસકાંઠા જીલ્લામાં વરસાદી માહોલ છવાયો છે. અનેક વિસ્તારોમાં બપોર બાદ વરસાદ શરૂ થયો છે. ડીસા, થરાદ, ધાનેરા, કાંકરેજ સહિતનાં વિસ્તારોમાં વરસાદ પડ્યો છે.  વરસાદનાં કારણે બનાસ નદી બે કાંઠે વહી રહી છે. કાંકરેજમાં ભારે વરસાદથી નીચાણવાળા વિસ્તારમાં પાણી ભરાયા છે.