મોટા સમાચાર / અયોધ્યા રામ મંદિર: આજે નહીં આવી શકે લાલકૃષ્ણ આડવાણી, જાણો શું છે કારણ

• અયોધ્યામાં આજે રામ મંદીરની પ્રાણ પ્રતિષ્ઠાને લઈ આખું ભારત રામમય બન્યું
• લાલકૃષ્ણ અડવાણી આજે નવા રામ મંદિરમાં રામ લલ્લાના અભિષેકમાં હાજરી નહિ આપે
• ઠંડી અને ખરાબ હવામાનને કારણે તેમણે અયોધ્યાની મુલાકાત રદ કરી

Ayodhya Ram Mandir : અયોધ્યામાં આજે રામ મંદીરની પ્રાણ પ્રતિષ્ઠાને લઈ આખું ભારત રામમય બન્યું છે. આ બધા ની વચ્ચે એક મોટા સમાચાર સામે આવ્યા છે. ભાજપના વરિષ્ઠ નેતા અને ભૂતપૂર્વ નાયબ વડા પ્રધાન લાલકૃષ્ણ અડવાણી આજે (22 જાન્યુઆરી) નવા રામ મંદિરમાં રામ લલ્લાના અભિષેકમાં હાજરી નહિ આપે. વિગતો મુજબ ઠંડી અને ખરાબ હવામાનને કારણે તેમણે અયોધ્યાની મુલાકાત રદ કરી છે. અડવાણી 96 વર્ષના છે. આવી સ્થિતિમાં તેમના સ્વાસ્થ્યને ધ્યાનમાં રાખીને આ નિર્ણય લેવામાં આવ્યો છે.

RSSના અધિકારીઓ કૃષ્ણ ગોપાલ, રામ લાલ અને આલોક કુમાર લાલ કૃષ્ણ અડવાણીના ઘરે પહોંચ્યા હતા અને તેમને રામ મંદિરના ઉદ્ઘાટન સમારોહ માટે આમંત્રણ આપ્યું હતું. આ દરમિયાન અડવાણીએ કહ્યું હતું કે, આ ખૂબ જ સૌભાગ્યની વાત છે કે તેમને આટલા ભવ્ય પ્રસંગે સીધા હાજર રહેવાની તક મળી. આ દેશની પવિત્રતા અને આ દેશની ગરિમાની સ્થાપનાનો આ અવસર છે.

અડવાણીએ વધુમાં કહ્યું હતું કે, સૌપ્રથમ આટલા વર્ષો પછી અમે ભારતના 'સ્વ'ના પ્રતીકને ફરીથી બનાવ્યું છે. તે અમારા પ્રયત્નોના આધારે કરવામાં આવ્યું હતું. બીજી વાત એ છે કે, આપણે ઘણા દાયકાઓથી આપણી પોતાની દિશા શોધવાનો પ્રયાસ કરી રહ્યા છીએ, આપણે તે શોધી કાઢ્યું છે અને તે સ્થાપિત થઈ ગયું છે. દરેકના મનમાં એક માન્યતા સ્થાપિત થઈ ગઈ છે, જેના કારણે સમગ્ર દેશનું વાતાવરણ મંગલમય બની ગયું છે. અને આવી સ્થિતિમાં આપણે ત્યાં સીધા હાજર થઈશું, તે ઘટના જોઈશું, તેના સહકાર્યકરો બનીશુંઆ કોઈ જન્મમાં સારું કર્મ કર્યું હશે, અને તેનું પરિણામ આપણને મળી રહ્યું છે. તેથી હું તમારો આભારી છું. આ એક એવી તક છે જે પૂછ્યા પછી પણ મળી ન હતી, મને મળી ગઈ છે... હું ચોક્કસ આવીશ.

વધુ વાંચો: અયોધ્યા રામ મંદિર માટે દાનમાં આપવામાં ટોપ-3 ગુજરાતી: જુઓ કોના કોના છે નામ

અડવાણીને અપાયું હતું આમંત્રણ 
વિશ્વ હિન્દુ પરિષદના આંતરરાષ્ટ્રીય કાર્યકારી અધ્યક્ષ આલોક કુમારે જણાવ્યું હતું કે, લાલકૃષ્ણ અડવાણીને 22 જાન્યુઆરીએ અયોધ્યામાં અભિષેક સમારોહ માટે આમંત્રણ આપવામાં આવ્યું હતું. આયોજકોએ કહ્યું કે અયોધ્યામાં સમારોહ દરમિયાન અડવાણીને તમામ જરૂરી તબીબી સુવિધાઓ પૂરી પાડવામાં છે. મહત્વનું છે કે, અયોધ્યામાં સવારે 6 વાગ્યે તાપમાન 8 ડિગ્રી સેલ્સિયસ નોંધાયું હતું. જો કે, આગામી થોડા કલાકો દરમિયાન તાપમાન અને દૃશ્યતામાં થોડો ઘટાડો થવાની અપેક્ષા છે. આ પછી ફરીથી સુધારો થઈ શકે છે. જો કે હવામાન વિભાગના જણાવ્યા અનુસાર અયોધ્યામાં આજે ઠંડા દિવસની સ્થિતિ છે. આજે લઘુત્તમ તાપમાન 7 અને મહત્તમ તાપમાન 16 ડિગ્રી સેલ્સિયસ રહી શકે છે.