જોખમી સફર / VIDEO : બાળકોને રિક્ષાના છાપરા પર બેસાડીને સ્કૂલ લઈ ગયો ડ્રાઈવર, વીડિયો વાયરલ થતા થઈ કાર્યવાહી

• યુપીના બરેલીમાં રિક્ષાવાળાએ રિક્ષાની ઉપર બેસાડ્યાં બાળકોને
• વીડિયો વાયરલ થયા બાદ બરેલી પોલીસે ચાલાણ કાપ્યું 
• આવી રીતે બાળકોને સ્કૂલ લાવવા કે લઈ જવા ખતરનાક 

યુપીના બરેલીમાં એક રિક્ષાવાળો કેટલાક બાળકોને રિક્ષાની ઉપર બેસાડીને સ્કૂલ લઈ જઈ રહ્યો હોવાનો વીડિયો વાયરલ થયો હતો. આમેય ત્રણ પૈડાવાળા વાહનની મુસાફરી પ્રમાણમાં જોખમી હોય છે અને તેમાંય આ તો પાછું રિક્ષાની ઉપર સ્કૂલના બાળકોને બેસાડ્યા અને આવી સ્થિતિમાં મુસાફરી અત્યંત જોખમી બની શકે છે. 

How can someone send their children to school with such a careless auto driver. Visuals from UP's Bareilly. This auto crossed office of RTO, Nakatia police outpost on Friday but everyone seemed to be sleeping. No action taken with registration no. UP25ET8342 by@Uppolice pic.twitter.com/hcfidtIJFS

— Raj Kumar Bhim Army (@Rajkuma79883678) August 28, 2022

સોશિયલ મીડિયા પર વાયરલ થયો વીડિયો 

સોશિયલ મીડિયા પર એક ચોંકાવનારો વીડિયો સામે આવ્યો છે જેમાં એક "બેદરકાર" થ્રી-વ્હીલર ડ્રાઇવર જોખમી રીતે શાળાના બાળકોને લઈ જતો જોવા મળે છે. ટ્વીટર પર શૅર કરેલી આ શોર્ટ ક્લીપમાં સ્કૂલના બાળકોનું એક ગ્રૂપ ઑટોરિક્ષાની છત પર બેઠેલું દેખાય છે. પોસ્ટના કેપ્શન મુજબ આ ઘટના ઉત્તર પ્રદેશના બરેલીમાં બની હતી. પોસ્ટમાં લખવામાં આવ્યું છે કે, "આ ઓટોએ શુક્રવારે નાકાટિયા પોલીસ ચોકીના આરટીઓની ઓફિસ ક્રોસ કરી હતી, પરંતુ દરેક જણ સૂઈ રહ્યું હોય તેવું લાગતું હતું.

उक्त ऑटो का चालान कर व थाना कैन्ट पर सुसंगत धारा में अभियोग पंजीकृत कर नियमानुसार वैधानिक कार्यवाही प्रचलित है।

— Bareilly Police (@bareillypolice) August 28, 2022

વાયરલ વીડિયો પર ભડક્યા લોકો 
વીડિયો વાયરલ થયા બાદ લોકો ભડક્યાં છે. લોકો ટ્વિટર પર પોસ્ટ લખીને ફરિયાદ કરી રહ્યાં છે. એક પોસ્ટમાં કહેવાયું કે આવા બેદરકાર ઓટો ડ્રાઇવર સાથે કોઈ તેમના બાળકોને શાળાએ કેવી રીતે મોકલી શકે છે. 

બરેલી પોલીસે રિક્ષાવાળાને ફટકાર્યો દંડ 
ક્લિપ વાયરલ થયા બાદ બરેલી પોલીસ પણ જાગી હતી અને તેમણે હિન્દીમાં એક ટ્વીટમાં જણાવ્યું હતું કે અમે ઓટોરિક્ષા ચાલકને દંડ ફટકાર્યો છે અને "નિયમો મુજબ કાયદેસરની કાર્યવાહી શરૂ કરી છે.