વિવાદ / અમદાવાદમાં ભાજપની ટિફિન બેઠકમાં કોર્પોરેટર અને વોર્ડ પ્રમુખ બાખડયા, મામલો બન્યો ટોક ઓફ ધી ટાઉન

• અમદાવાદમાં ભાજપની ટિફિન બેઠકમાં માથાકૂટ
• નરોડામાં કોર્પોરેટર અને વોર્ડ પ્રમુખ બાખડયા
• વિવાદ સામે આવતા શહેર ભાજપે માંગ્યો ખુલાસો

અમદાવાદમાં ભાજપની ટિફિન બેઠકમાં માથાકૂટ

ભાજપના વિવિધ નેતાઓએ પક્ષના કાર્યકરોને ચૂંટણીના કામે લાગી જવા હાકલ કરી સમગ્ર ગુજરાતની વિવિધ વિધાનસભાના વિસ્તારોમાં ટિફિન બઠકો ચાલી રહી છે. ત્યારે અમદાવાદના નરોડામાં ટિફિન બેઠકમાં કોર્પોરેટર અને વોર્ડ પ્રમુખ બાખડતાં વિવાદ ઉભો થયો છે. 

PM મોદીની ટકોર બાદ ટિફિન બેઠકનું આયોજન કરાયું હતું 

PM મોદી થોડા સમય પહેલા ગુજરાત મુલાકાતે આવ્યા ત્યારે ચૂંટાયેલા સભ્યો અને સંગઠનના નેતાઓ સાથે બેઠક યોજી હતી. જેમાં તેમના દ્વારા ટિફિન બેઠક ફરી શરૂ કરવા ટકોર કરવામાં આવી હતી. જેથી હવે પ્રદેશ ભાજપ દ્વારા તત્કાળ તેનો અમલ કરી રાજ્યભરમાં ભાજપ કાર્યલય ખાતે ટિફિન બેઠક શરૂ કરવા માટે આયોજન કરવામાં આવ્યું છે.

નરોડામાં કોર્પોરેટર અને વોર્ડ પ્રમુખ બાખડયા

જેના સંદર્ભે અમદાવાદના નરોડામાં ભાજપના કાર્યાલય ખાતે ટિફિન બેઠક યોજાઈ હતી. જેમાં આગામી દિવસોમાં યોજાનારી વિધાનસભાની બેઠક ચર્ચા કરવામાં આવી હતી. દરમિયાન કોર્પોરેટર અને વોર્ડ પ્રમુખ વચ્ચે માથાકૂટ થતાં  બંનેએ સામસામે ટિફિન ઉગામતાં ભારે હોબાળો મચી ગયો હતો. આ વાતની જાણ જ્યારે શહેર ભાજપને થતાં આ અંગે ખુલાસો માંગ્યો હતો. ઉલ્લેખનીય છે કે, ટિફિન બેઠકમાં આંતરિક મતભેદ સામે આવતા વધી મુંઝવણ વધી ગઈ છે.