- મધ્યપ્રદેશ, છત્તીસગઢ અને રાજસ્થાનમાં ભાજપની સત્તા
- ભાજપ હવે 17 રાજ્યોમાં પૂર્ણ બહુમતી સાથે સરકારમાં બનાવશે
- દેશના 58 ટકા વિસ્તાર અને 57 ટકા વસ્તી પર ભાજપનું શાસન
મધ્યપ્રદેશ, છત્તીસગઢ અને રાજસ્થાન આ ત્રણેય રાજ્યમાં હવે ભાજપની સરકાર બનશે. ત્રણેય રાજ્યોમાં ભાજપ સ્પષ્ટ બહુમતી સાથે સરકાર બનાવવા જઈ રહી છે. મધ્યપ્રદેશ વિધાનસભાની 230 બેઠકોમાંથી ભાજપ 164 બેઠકો પર આગળ છે. અત્રે જણાવીએ કે, મધ્ય પ્રદેશમાં 2013ની ચૂંટણીમાં ભાજપે 165 બેઠકો જીતી હતી. રાજસ્થાનમાં પણ ભાજપ 117 બેઠકો પર જીત મેળવતું જોવા મળી રહ્યું છે. છત્તીસગઢમાં પણ પાર્ટીને 90માંથી 56 બેઠકો મળતી દેખાઈ રહી છે. હિન્દી પટ્ટાના આ ત્રણ રાજ્યો ખૂબ જ મહત્વપૂર્ણ છે. કારણ કે આ રાજ્યોમાં લોકસભાની 65 બેઠકો છે. આ રાજ્યોમાં જીત સાથે ભાજપ હવે 17 રાજ્યોમાં પૂર્ણ બહુમતી સાથે સરકારમાં છે અથવા સરકારમાં સહયોગી છે.
2014માં કેટલો રાજ
દેશના રાજકીય નકશા પર નજર કરીએ તો અત્યારે દેશના 58 ટકા વિસ્તાર અને 57 ટકા વસ્તી પર ભાજપનું શાસન છે. ડિસેમ્બર 2014 સુધી ભાજપે 53 ટકા વિસ્તાર અને 40 ટકા વસ્તી પર શાસન કર્યું હતું. ડિસેમ્બર 2017 સુધી ભાજપે 78 ટકા વિસ્તાર અને 69 ટકા વસ્તી પર શાસન કર્યું હતું. 2018થી ભાજપનો વિજય રથ અટકવા લાગ્યો હતો. તે વર્ષે ભાજપે કર્ણાટકમાં પ્રથમ વખત સત્તા ગુમાવી હતી. પછી મધ્યપ્રદેશ, રાજસ્થાન અને છત્તીસગઢ પણમાં પણ હારનો સામનો કરવો પડ્યો હતો.
2019માં ભાજપનો શુ સિતારો હતો
ભાજપે 2019ની લોકસભા ચૂંટણીમાં જંગી બહુમતી સાથે જીત મેળવી હતી. પરંતુ રાજ્યોમાં તેની સરકારો પડતી હતી. પરિણામ એ આવ્યું કે ડિસેમ્બર 2019 સુધીમાં ભાજપનું શાસન ઘટીને 34 ટકા વિસ્તાર અને 44 ટકા વસ્તી થઈ ગયું. જો કે આ પછી ભાજપનો ગ્રાફ ફરી વધ્યો છે.
