ક્રિકેટ / AUS ના સ્ટાર બેટ્સમેન સ્મિથની ગરદન પર 148 કિમી ઝડપથી વાગ્યો બૉલ, VIDEO

શનિવારે લોર્ડ્સ ટેસ્ટના ચોથા દિવસે બીજા સેશનમાં આર્ચરનો એક ઝડપી બાઉન્સર સ્ટિવ સ્મિથની ગરદન પર વાગ્યો, જેના કારણે દુખાવાને કારણે ગ્રાઉન્ડ પર સૂઇ ગયો. 

સ્ટિવ સ્મિથ પોતાના ત્રીજી એશિઝની સેન્ચુરી પૂરી કરવાની નજીક જ હતો, તે 80 રનના અંગત સ્કોર પર બેટિંગ કરી રહ્યો હતો ત્યારે જ જોફ્રા આર્ચરનો 148 કિમી પ્રતિ કલાકની ઝડપથી આવેલો બોલ તેની ગરદન પર વાગ્યો, આ સ્ટાર બેટ્સમેન દુખાવાને કારણે ગ્રાઉન્ડ પર જ સૂઇ ગયો, જે પછી ઓસ્ટ્રેલિયા અને ઇંગ્લેન્ડના મેડિકલ સ્ટાફે તેની તપાસ કરી હતી. 

Wow... hope Steve Smith is ok!#TheAshes2019 pic.twitter.com/cMqhIOwfzT

— Shaun griffin (@Shaun_griffin1) August 17, 2019

આખરે તે ઊભો થયો હતો અને લાંબા સમય સુધી ટીમના તબીબ રિચાર્ડ સો સાથે વાતચીત કરી હતી. ત્યારબાદ તેણે રિટાયર્ડ હર્ટ થવાનો નિર્ણય કર્યો હતો.  ગ્રાઉન્ડ પર હાજર રહેલા ઓડિયન્સને ઉભા થઇને પૂર્વ ઓસ્ટ્રેલિયન કેપ્નનું અભિવાદન કર્યુ હતુ. જ્યારે સ્મિથ ગ્રાઉન્ડમાંથી  બહાર ગયો હતો ત્યારે સ્કોર 6 વિકેટ પર 203 રન હતો. ઇંગ્લેન્ડની ઇનિંગના સ્કોર 258થી 55 રન પાછળ હતા.

જોકે સ્મિથ ફરી વખત આવ્યો અને 92 રન બનાવીને ક્રિસ વોક્સના બૉલ પર LBW થયો. જ્યારે તે આઉટ થયો ત્યારે ઓસ્ટ્રેલિયાનો સ્કોર 8 વિકેટ પર 234 રન હતો. વર્લ્ડ કપ વિજેતા ટીમનો ખિલાડી આર્ચરે આ મેચથી પોતાના ટેસ્ટ કરિયરની શરૂઆત કરી હતી. આ પહેલાં પણ આર્ચરનો એક બોલ સ્મિથને હાથ ઉપર વાગ્યો હતો.  એશિઝ સીરિઝમાં સતત સાત ઇનિંગ્સમાં 50 પ્લસ સ્કોર નોંધાવનાર પ્રથમ બેટ્સમેન બની ગયો છે.