આગાહી / પવનની દિશા બદલાતા ગુજરાતના હવામાન વિભાગે આગાહી ફેરવી, આ દિવસથી ફરી આવશે ઠંડીનો રાઉન્ડ

હવામાન વિભાગ દ્વારા રાજ્યમાં ફરી કડકડકી ઠંડીની આગાહી કરી છે.  હાલ લોકો બેવડી ઋતુનો અનુભવ કરી રહ્યા છે. જેમાં સવારે ઠંડી અને બપોર બાદ ગરમીનો લોકો અહેસાસ કરી રહ્યા છે. ત્યારે હવામાન વિભાગ દ્વારા ફરી કડકડતી ઠંડીની આગાહી કરતા લોકો ફરી ફૂલ ગુલાબી ઠંડીનો અનુભવ કરી શકશે. 

આ બાબતે હવામાન વિભાગનાં વૈજ્ઞાનિક રામાશ્રય યાદવે જણાવ્યું હતું કે, આગામી પાંચ દિવસ માટે ગુજરાત રાજ્યમાં વાતાવરણ એકદમ સૂકું રહેવાનું છે. આગામી દિવસમાં તાપમાનમાં બે થી ત્રણ ડિગ્રીનો ઘટાડો થસે. તેમજ આજે ડીસામાં સૌથી ઓછું 15 ડિગ્રી તાપમાન નોધાયું છે. જ્યારે અમદાવાદમાં 20.04 જ્યારે ગાંધીનગરમાં 18.5 ડિગ્રી તાપમાન નોંધાયું છે. 

હિમાચલ રિજિયનમાં વેસ્ટર્ન ડિસ્ટર્બન્સ સિસ્ટમ સક્રિય થશે
મળતી માહિતી મુજબ 21 ફેબ્રુઆરી દરમ્યાન હિમાચલ રિજિયનમાં વેસ્ટર્ન ડિસ્ટર્બન્સ સિસ્ટમ સક્રિય થઈ રહી છે. જેથી ઉત્તર ભારતના પહાડી વિસ્તારોમાં ભારે હિમવર્ષા થશે  તેમજ ઠંડા પવનો ફૂંકાવવાની આગાહી કરવામાં આવી છે. આગામી તા. 22 થી ઠંડીનો ચમકારો વધવાની શક્યતા છે. 

વધુ વાંચોઃ લોકસભા પહેલા અમદાવાદ કોંગ્રેસનો ઝટકો, બે વખત ધારાસભ્યની ચૂંટણી લડનારા પાટીદાર નેતાએ આપ્યું રાજીનામું

ફેબ્રુઆરીના છેલ્લા સપ્તાહમાં ઠૂંઠવી નાંખે તેવી ઠંડીની આગાહી
ફેબ્રુઆરી માસના છેલ્લા સપ્તાહમાં ઠૂંઠવી નાંખે તેવી ઠંડીનો સામનો કરવો પડી શકે છે. ઠંડીની સીઝનમાં મહત્તમ 14 ડિગ્રી સુધી પારો ગગડી શકે છે. તેમજ રાત્રી તાપમાનમાં પણ ઘટાડો થઈ શકે છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો