કોરોનાની વેશ્વિક મહામારી ની અસરો પણ વર્તમાન સમયમાં જોવા મળી રહી છે જે લોકો સખત રીતે કોરોનાની ઝપેટમાં આવી ગયા હતા અને આડે ઘડ દવાઓ દઇને સારા થયા છે. તેવા દર્દીઓ માંથી કેટલાક દર્દીઓને દવાની આડઅસરો જોવા મળી રહી છે. અમદાવાદ શહેરની વાત કરવામાં આવે તો દવાની આડઅસરના કારણે રોજના 30 જેટલા દર્દીઓ હાલમાં બ્રેન ફોગનો ભોગ બની રહ્યા છે.
Share
કોરોનાની વૈશ્વિક મહામારીની અસરો વર્તમાન સમયમાં પણ જોવા મળી રહી છે
કોરોનાની વૈશ્વિક મહામારીની પ્રથમ લહેરમાં ડોક્ટરોને પણ ખબર ન હતી કે કોરોનાની બિમારીમાં કેવા પ્રકારની સારવાર અને કઇ દવાઓની જરૂર પડશે જેથી તમામ ડોક્ટોરોએ ન્યુમોનિયાની ટ્રીટમેન્ટ કરવામાં આવી હતી. પરંતુ અમેરીકામાં એટોપ્સી કરાઇ ત્યારબાદ કોરોનાની દવાઓમાં જે વાઇરસની દવાનો ઉપયોગ કરતા હતા. તે દવામાં વાપરવાનુ નક્કી કરવામાં આવ્યુ જેમાં રેમ્ડેસિવીર, ટોક્સીઝુમુબેલ ઇન્જેક્શન, ફેવીપીરામીડ અને સ્ટીરોઇડનો ઉપયોગ કરવામાં આવ્યો હતો. અનેક દર્દીઓ કોરોનાનો ભોગ બન્યા હતા તે સમયે આજ પ્રકારની દવાઓ આપવામાં આવી હતી. પરંતુ હવે આ તમામ દવાઓની આડઅસર જોવા મળી રહી છે જેમાં પહેલા થાપાના બોલ ટુટી જવાની ઘટનાઓ આવી પરંતુ હવે માઇન્ડ ફોગ એટલે કે બ્રેન ફોગના કિસ્સાઓ સામે આવ્યા છે.
ડો. યોગેશ ગુપ્તા (એમ.ડી.)
શરીરની ક્ષમતા કરતા વઘારો દવાનુ સેવન હોવાનુ કારણ સામે આવ્યુ
બ્રેન ફોગની વાત કરવામાં આવે તો કોરોનાના સમયમાં અતિશય અને શરીરની ક્ષમતા કરતા વઘુ દવાઓ અને સ્ટીરોઇડના સેવનના કારણે અમુક વર્ષના અંતરે આ રોગ થવાની શક્યતાઓ થાય છે. જેમાં અમદાવામાં હાલમાં દર મહિને 40 જેટલા બ્રેન ફોગના કિસ્સાઓ સામે આવી રહ્યા છે. બ્રેન ફોગના લક્ષણોની વાત કરવામાં આવે તો માણસ કોઇ કામ કરતા કરતા મહત્વનું કામ ભુલી જાય છે. જે વ્યક્તિ સાથે મુલાકાત કરી હોય તેવા વ્યક્તિને કલાકો પછી ભુલી જવા, સ્થિરતાથી કામ ન થઇ શકે તે તમામ બ્રેન ફોગના લક્ષણો છે. કારણે કોરોનાની સારવાર દરમિયાન શરીરની ક્ષમતા કરતા વઘારો દવાનુ સેવન હોવાનુ કારણ સામે આવ્યુ છે.
ખાનગી હોસ્પીટલમાં દર મહિને બ્રેન ફોગના દર્દીઓ સામે આવી રહ્યા
આમ હાલમાં અમદાવાદની ફક્ત ખાનગી હોસ્પીટલમાં દર મહિને બ્રેન ફોગના દર્દીઓ સામે આવી રહ્યા છે. પરંતુ ભારત દેશમાં ઓરલ એટોપ્સી ના હોવાને કારણે બ્રેન ફોગના ચોક્કસ આંકડા બહાર આવી શક્તા નથી. પરંતુ તેમ છતા ખાનગી હોસ્પીટલના ડોક્ટરના જણાવ્યા અનુસાર હાલમાં દર મહિને 40 જેટલા બ્રેન ફોગના દર્દીઓ સામે આવી રહ્યા છે. ત્યારે જો આવા કોઇ લક્ષણ દેખાય તો પણ ડોક્ટરની સલાહ લેવી જરૂરી છે.
