તમારા કામનું / શું હજુ સુધી IT રિફન્ડના પૈસા નથી મળ્યાં? જો-જો ક્યાંક ભૂલ તો નથી થતી ને, તુરંત આ રીતે ચેક કરો સ્ટેટસ

• ITR ફાઈલ કર્યું હશે, તો રિટર્નના પૈસા એકાઉન્ટમાં આવી ગયા હશે
• ITR ફાઈલ કરનારને રિફંડ મળવા લાગ્યા છે
• હજુ અનેક લોકોને રિફંડ મળ્યું નથી, તો તે માટે આ રીતે સ્ટેટસ ચેક કરો

ITR રિટર્ન ફાઈલ કર્યું હશે, તો રિટર્નના પૈસા એકાઉન્ટમાં આવી ગયા હશે. ઈન્કમ ટેક્સ રિટર્ન ફાઈલ કરવાની છેલ્લી તારીખ 31 જુલાઈ હતી. જે લોકોએ ITR ફાઈલ કર્યું હશે, તેમના એકાઉન્ટમાં રિટર્નના પૈસા આવી ગયા હશે અથવા પ્રોસેસમાં હશે. જો તમે ડેડલાઈન સુધી ITR ફાઈલ કરી શક્યા નથી, તો તમે હજુ પણ ITR ફાઈલ કરી શકો છો, પરંતુ તે માટે દંડ ચૂકવવાનો રહેશે. 

રિટર્ન પ્રોસેસિંગ સમય
CBDT અધ્યક્ષ નીતિન ગુપ્તાએ જણાવ્યું હતું કે, રિટર્ન પ્રોસેસિંગનો સમય 26 દિવસનો હતો, જે હવે 16 દિવસ થઈ ગયા છે. વર્ષ 2023-24 માટે 6 કરોડ 77 લાખથી વધુ ઈન્કમટેક્સ રિટર્ન ભરવામાં આવ્યા છે. 31 જુલાઈ સુધીમાં જે પણ ITR ફાઈલ કરવામાં આવ્યા છે, ગયા વર્ષની સરખામણીએ તેની કુલ સંખ્યા 16 ટકા વધુ છે.

ઈ-વેરિફિકેશન
ITR ફાઈલ કરનારને રિફંડ મળવા લાગ્યા છે, હજુ અનેક લોકોને રિફંડ મળ્યું નથી. ITRના ઈ-વેરિફિકેશન કર્યું હશે, તો રિફંડ મળશે. અનેક લોકોએ ઈ-વેરિફિકેશન કર્યું નથી. ઈ-વેરિફિકેશન કરવામાં ના આવે તો 120 દિવસ પછી રિટર્ન ઈનવેલિડ ગણાશે. અયોગ્ય માહિતી આપી હોય તો પણ રિફંડ અટકી શકે છે. 

ITR રિફંડ સ્ટેટસ ચેક કેવી રીતે કરવું

• ITR રિફંડ સ્ટેટસ ચેક કરવા માટે યૂઝર આઈડી અને પાસવર્ડનો ઉપયોગ કરીને ઈ-ફાઈલિંગ પોર્ટલ www.incometax.gov.in પર લોગિન કરવાનું રહેશે. 
• હવે View returns અથવા ફોર્મ ઓપ્શન પસંદ કરો.
• હવે ડ્રોપ ડાઉન કરીને ઈન્કમ ટેક્સ રિટર્નની પસંદગી કરો.
• હવે એસેસમેન્ટયર એન્ટર કરો અને સબમિટ પર ક્લિક કરો.
•  હવે તમારો ITR Acknowledgment Number એન્ટર કરો. 
• થોડી વારમાં તમને ITR રિફંડ સ્ટેટસ દેખાવા લાગશે. 

આટલો દંડ ચૂકવવો પડી શકે છે
ITR ફાઈલ કરવાની છેલ્લી તારીખ જતી રહી છે. જેથી હવે ITR ફાઈલ કરવા માટે આટલો દંડ ચૂકવવો પડી શકે છે. વાર્ષિક પાંચ લાખ રૂપિયા કરતા વધુ આવક હોય તો 5,000 રૂપિયા સુધી દંડ ચૂકવવો પડી શકે છે. 31 ડિસેમ્બર 2023 સુધીમાં લેટ ફી સાથે ITR ફાઈલ કરી શકાશે.