આગાહી / આગામી પાંચ દિવસ માટે ગુજરાતમાં હવામાન વિભાગની આગાહી, જાણો કેવો રહેશે ઠંડીનો માહોલ

• રાજ્યના વાતાવરણને લઇ હવામાન વિભાગની આગાહી
• આગામી 5 દિવસ રહેશે સુકુ વાતાવરણ
• બેવડી ઋતુનો અનુભવ થશે

રાજ્યમાં ધીમે પગલે શિયાળાનું આગમન થઈ ચૂકી છે. ત્યારે  રાજ્યના વાતાવરણને લઇ હવામાન વિભાગની આગાહી કરી છે. રાજ્યમાં આગામી 5 દિવસ સુકુ વાતાવરણ રહેશે. અત્યારે ઉત્તર પૂર્વના પવન ફૂંકાય રહ્યા છે. જેને લઇને 2થી 3 ડીગ્રી તાપમાનમાં ઘટાડો થવાની આગાહી કરવામાં આવી છે. જેને પગલે  રાજ્યમાં બેવડી ઋતુનો અનુભવ થવાની પણ હવામાન વિભાગ દ્વારા આગાહી કરવામાં આવી છે. 

2 થી 3 ડીગ્રી તાપમાનમાં થશે ઘટાડો

અમદાવાદ હવામાન વિભાગના વૈજ્ઞાનિક વીજીનલાલના જણાવ્યા અનુસાર ઉત્તર પૂર્વના પવનો ફૂંકાવના કારણે રાજ્યમાં આગામી 5 દિવસ વાતાવરણ સુકુ રહેશે. આગામી 5 દિવસ વાતાવરણમાં 2 થી 3 ડીગ્રી તાપમાનમાં પણ ઘટશે. અને લોકોને બેવડી ઋતુનો અનુભવ થશે. 

બે દિવસ આગાઉ ત્રાટક્યુ હતું માવઠું

મહત્વનું છે ગુજરાતના અનેક વિસ્તારોના છેલ્લા 5 થી 7 દિવસથી હવામાનમાં અચાનક પલટો આવ્યો છે. જેને પગલે બે દિવસ આગાઉ ભરૂચ, વલસાડ તેમજ ગીર સોમનાથ અને અમદાવાદ સહિતના વિવિધ વિસ્તારોમાં કમોસમી વરસાદ પણ ત્રાટક્યો હતો. બીજી તરફ ભર શિયાળે વરસાદી માહોલ જામતા ખેડૂતોના શિયાળુ પાકને નુક્શાનીનો વારો આવ્યો છે. વૈજ્ઞાનિક કારણ અનુસાર શિયાળામાં પવનની દિશા બદલાતા વાતાવરણમાં ભેજ વધે છે. જેને લઈને કમોસમી કહેર વર્ષે છે. ત્યારબાદ હવે હવામાન વિભાગ દ્વારા ઠંડીની આગાહી કરાઇ છે.