ચુકાદો / સુરત કોર્ટનું આકરૂ વલણ, 7 વર્ષની બાળકી પર નરાધમે દુષ્કર્મ આચરી કરી હતી હત્યા, આરોપીને ફાંસીની સજા

• દુષ્કર્મ અને હત્યા કેસમાં સુરત કોર્ટનું વધુ એક કડક વલણ
• કોર્ટે દુષ્કર્મ અને હત્યા કેસમાં વધુ એક નરાધમને આપી ફાંસીની સજા
• ભોગ બનનાર પરિવારને 23.50 લાખનું વળતર ચૂકવવા આદેશ

દુષ્કર્મ અને હત્યા કેસમાં સુરત કોર્ટનું વધુ એક કડક વલણ સામે આવ્યો છે. કોર્ટે દુષ્કર્મ અને હત્યા કેસમાં વધુ એક નરાધમને ફાંસીની સજા ફટકારી તેમજ ભોગ બનનાર પરિવારને 23.50 લાખનું વળતર ચૂકવવા આદેશ આપ્યો છે.

આરોપી ફટકારી ફાંસીની સજા
સુરત કોર્ટે મુકેશ પંચાલ નામના આરોપીને ફાંસી સજા આપી છે. આરોપી પર 302, 376 સહિતની કલમો હેઠળ કાર્યવાહી કરાઈ છે. નરાધમે ચોકબજાર વિસ્તારમાં 7 વર્ષની બાળકી સાથે દુષ્કર્મ આચર્યું હતું. આરોપીએ દુષ્કર્મ બાદ બાળકીની હત્યા પણ કરી નાંખી હતી. આરોપી મુકેશ પંચાલને કોર્ટે દોષી જાહેર કર્યો હતો જે બાદ તેને ફાંસી સજા આપી છે તેમજ ભોગ બનનાર પરિવારને 23.50 લાખનું વળતર ચૂકવવા પણ આદેશ આપ્યો છે.

પોલીસે સાયન્ટિફિક સહિતના પુરાવા મેળવ્યા હતો
તમને જણાવી દઈએ કે,  ગત 7 ડિસેમ્બરના રોજ ઘટના બની હતી. બાળકીની ઉંમર માત્ર 6 વર્ષ અને 8 મહિનાની જ હતી. પોલીસે સાયન્ટિફિક સહિતના પુરાવા મેળવ્યા હતો જે સમગ્ર પુરાના કોર્ટમાં રજૂ કરવામાં આવ્યા હતાં.બાળકી સાથે આરોપી મુકેશે દુષ્કર્મ આચરી હત્યા કરી દીધી હતી. જે આરોપી પર બળાત્કાર અને હત્યા તેમજ પોકસો હેઠળ ગુનો નોંધાયો હતો..

સુરતમાં એક કેસમાં 20 વર્ષની સજા
કિશોરી પર દુષ્કર્મ આચરનારા શખ્સને સુરત કોર્ટે 20 વર્ષની સજા ફટકારી છે. આરોપી મનોજ નયાને 20 વર્ષની સજા કોર્ટ આપી છે. લગ્નની લાલચે કિશોરીને આરોપી ભગાવી લઈ ગયો હતો. તમને જણાવી દઈએ કે, વર્ષ 2020માં દીકરીને અપહરણ કરી દુષ્કર્મ આચર્યુ હતું. આરોપી પુણા ગામની વલ્લભનગર સોસાયટીમાં રહેતો હતો અને સુરતની કોર્ટમાં દુષ્કર્મ અને પોક્સો હેઠળ કેસ ચાલ્યો હતો.