- BJPના પીઢ નેતા લાલ કૃષ્ણ અડવાણીને ભારત રત્ન એનાયત કરવામાં આવશે
- મધ્યપ્રદેશના પૂર્વ મુખ્યમંત્રી અને કોંગ્રેસના નેતા દિગ્વિજય સિંહે પણ આપી પ્રતિક્રિયા
- એક બીજી વ્યક્તિ છે જેણે RSS, ભાજપ અને દેશને નોંધપાત્ર સેવાઓ આપી: દિગ્વિજય સિંહ
- ભારત સરકારે પણ ડૉ. મુરલી મનોહર જોશીનું સન્માન કરવું જોઈએ: દિગ્વિજય સિંહ
Lal Krishna Advani Bharat Ratna : ભારતીય જનતા પાર્ટીના પીઢ નેતા લાલ કૃષ્ણ અડવાણીને ભારત રત્ન એનાયત કરવામાં આવશે. વડાપ્રધાન નરેન્દ્ર મોદીએ પોતે બે દિવસ પહેલા સોશિયલ મીડિયા પર તેમની સાથેની તસવીરો શેર કરીને આ જાણકારી આપી હતી. આ પછી વિપક્ષી દળોએ ભાજપ સરકાર પર જોરદાર પ્રહારો શરૂ કર્યા છે. આ સંદર્ભમાં મધ્યપ્રદેશના પૂર્વ મુખ્યમંત્રી અને કોંગ્રેસના નેતા દિગ્વિજય સિંહની પ્રતિક્રિયા પણ સામે આવી છે.
દિગ્વિજય સિંહે તેમના સોશિયલ મીડિયા પ્લેટફોર્મ X પર એક પોસ્ટ લખી, PM મોદીએ લાલકૃષ્ણ અડવાણીને ભારત રત્ન આપીને એક ઉમદા કાર્ય કર્યું છે, અભિનંદન. ભલે મોડું થઈ ગયું હોય, પરંતુ હવે એક બીજી વ્યક્તિ છે જેણે RSS, ભાજપ અને દેશને નોંધપાત્ર સેવાઓ આપી છે. તેઓ છે ડૉ. મુરલી મનોહર જોશી. ભારત સરકારે પણ તેમનું સન્માન કરવું જોઈએ.
વધુ વાંચો: કેન્દ્ર પર દબાણ બનાવવા દક્ષિણના દળો થઇ રહ્યાં છે એકજૂથ, તૈયાર કર્યો જોરદાર માસ્ટર પ્લાન
શું કહ્યું હતું PM મોદીએ ?
ભારતીય જનતા પાર્ટીના નેતા અને દેશના પૂર્વ નાયબ વડાપ્રધાન લાલકૃષ્ણ અડવાણીને ભારત રત્ન આપવામાં આવશે. આની જાહેરાત કરતા વડાપ્રધાન નરેન્દ્ર મોદીએ કહ્યું કે, તેઓ આપણા સમયના સૌથી આદરણીય રાજનેતાઓમાંના એક છે. ભારતના વિકાસમાં તેમનું યોગદાન અવિસ્મરણીય છે. તેમના જીવનની શરૂઆત પાયાના સ્તરે કામ કરવાથી લઈને આપણા નાયબ વડાપ્રધાન તરીકે દેશની સેવા કરવા સુધીની છે. તેમણે દેશના ગૃહમંત્રી અને માહિતી અને પ્રસારણ મંત્રી તરીકે પણ પોતાની ઓળખ બનાવી. તેમના સંસદીય હસ્તક્ષેપ હંમેશા અનુકરણીય અને સમૃદ્ધ આંતરદૃષ્ટિથી ભરેલા રહ્યા છે.
