મુલાકાત / CMની સાદગી સૌ કોઈના આંખે વળગી: બાળકો સાથે મધ્યાહન ભોજન લીધું, જુઓ તાપીના તળાવ ગામનો આ વીડિયો

• મુખ્યમંત્રીએ નિઝરની મુલાકાત લીધી
• રૂમકી તળાવ ગામની શાળામાં ભોજન લીધું
• CMએ બાળકો સાથે મધ્યાહન ભોજન લીધું

મુખ્યમંત્રી ભૂપેન્દ્ર પટેલે આજે તાપી જિલ્લાના કુકરમુંડા તાલુકાના અલગ અલગ ગામોની મુલાકાત લીધી હતી. આ તકે તેઓએ બોર્ડર વિલેજ સહિતની યોજનાનું નિરીક્ષણ કર્યું હતું. જેમાં અધિકારીઓ ઉપસ્થિત રહ્યા હતા. આ મુલાકાત વેળાએ રૂમકી તળાવ ગામમાં મુખ્યમંત્રી ભૂપેન્દ્ર પટેલનાં સાદગીના દર્શન થયા હતા. તેઓએ સામાન્ય માણસની માફક વિદ્યાર્થીઓ સાથે મધ્યાહન ભોજન લીધું હતું. 

મુખ્યમંત્રી ભૂપેન્દ્ર પટેલ આજે સવારથી તાપી જિલ્લાની મુલાકાતે આવ્યા હતા. ત્યારે તેમણે કુકરમુંડા તાલુકાના ડાબરીઆંબા ગામની આંગણવાડી અને શાળાની મુલાકાત લઈ ગ્રામજનો સાથે સંવાદ કર્યો હતો. ઉપરાંત બાળકોના હિતમાં કાર્ય અંગે સબંધિત આધિકારીઓને સુચના આપી હતી. તેજ રીતે ગ્રામજનોને પડતી મુશ્કેલી અંગે સવાલો કર્યા હતા, બાદમાં પ્રાકૃતિક ખેતી પર ભાર મુકતા પ્રાકૃતિક ખેતી કરવા માટે કોઈ સમસ્યા હોઈ તો જણાવવા માટે કહ્યું હતું. ત્યારબાદ તોરંડા ગામની દુધડેરીની મુલાકાત પણ લીધી હતી. આ દરમિયાન શાળામાં પણ જઈ નિરીક્ષણ કર્યું હતું.  સાથે જ આધિકારીઓ સાથે કુકરમુંડા ખાતે તૈયાર થનાર આઈટીઆઈનું નિરીક્ષણ કરી વિદ્યાર્થીઓ સાથે સંવાદ પણ કર્યો હતો. વધુમાં નિઝરના રૂમકીતળાવ ગામે જઈને આદર્શનિવાસી પ્રાથમિક શાળાના  વિદ્યાર્થીઓ સાથે  મધ્યાહન ભોજન આરોગ્યું હતું. આ વેળાએ સાથે રહેલા કર્મચારીઓ પણ ભૂલકાઓ સાથે ભોજન લેતા નજરે પડ્યા હતા. 

તાપી જિલ્લાના નિઝર તાલુકાના રૂમકીતલાવ ખાતેની શાળામાં બાળકોની જોડે મધ્યાહન ભોજન લીધું. બાળકો સાથે પ્રાર્થના કરીને પૌષ્ટિક ભોજન લીધું ત્યારે સંસ્કાર, શિક્ષણ અને સ્વાસ્થ્યનો સુભગ સમન્વય થયાની અનુભૂતિ થઈ. pic.twitter.com/Uj9LGgp225

— Bhupendra Patel (@Bhupendrapbjp) July 6, 2023