Tuesday, June 18, 2019
સબસ્ક્રાઈબ કરો VTVGujarati ન્યુઝ Whatsapp

ત્રિશંકુ લોકસભા / કોણ ફાવશે ભાજપ કે કોંગ્રેસ, ત્રીજો મોરચો લડતના મૂડમાં

કોણ ફાવશે ભાજપ કે કોંગ્રેસ, ત્રીજો મોરચો લડતના મૂડમાં

2019ના સમરાંગણમાં પ્રચાર બરાબર જામ્યો છે, ત્યારે એક ચિંતા દેશના સર્વેક્ષણ લઈને આવ્યા છે. ત્રિશંકુ લોકસભાની શક્યતાઓને જોતા કેટલાક એવા પક્ષો પર ભાજપ અને કોંગ્રેસની નજર છે જેમણે બંન્ને મુખ્યપક્ષોને અત્યાર સુધી માત્ર હાથતાળી જ આપી છે. 

ભાજપ અને કોંગ્રેસના નેતૃત્વવાળા મોરચાઓને જો બહુમતિ ન મળે તો દેશમાં 23મી મે પછીના દિવસો રહસ્યમયી ફિલ્મો જેવા હશે. પ્રધાનમંત્રી બનવાની તીવ્ર ઈચ્છા ધરાવતા મમતા બેનર્જી ભાજપ સામે જ ચૂંટણી લડી રહ્યાં છે, આ પ્રયત્નોમાં તેમણે કોંગ્રેસ સાથે મનમેળ રાખ્યો છે. આ કવાયતમાં દીદીની સાથે આંધ્રપ્રદેશના મુખ્યમંત્રી ચંદ્રાબાબુ નાયડૂ પણ જોડાયા છે.

તો ઉત્તરપ્રદેશમાં ખાસ બનેલું ગઠબંધન માયાવતી અને અખિલેશ યાદવનું છે. ભાજપ સામે આ ગઠબંધન ઉત્તરપ્રદેશમાં સંપૂર્ણ તાકાતથી લડે છે તો કોંગ્રેસને ઉત્તરપ્રદેશમાં પોતાના ગઠબંધનમાં સામેલ નહીં કરીને ત્રીજા મોરચે જબરદસ્ત લડત આપવાના મૂડમાં છે. ભાજપ અને કોંગ્રેસને બહુમતિ ન મળે તેવા સંજોગોમાં સપા-બસપાનું ગઠબંધન કોની તરફ ઝુકશે તે જાણવું અને જોવું પણ રસપ્રદ રહેશે. 

તો, આંધ્રપ્રદેશમાં જેમનો જુવાળ છે તેવા YSR કોંગ્રેસના ચીફ જગનમોહન રેડ્ડી પોતે તો મુખ્યમંત્રી બનવા માગે છે, પરંતુ ત્રિશંકુ લોકસભા થાય તેવી ઈચ્છા પણ રાખે છે. જગ જાહેરમાં કહી ચૂક્યા છે કે મોટા પક્ષોને બહુમતિ ન મળે તે સ્થિતિ મને ગમશે કારણ કે હું આંધ્રપ્રદેશના ભલા માટે મોટો સોદો કરી શકું. CSDSએ કરેલા એક સર્વેમાં ભાજપનો રથ 222 અને કોંગ્રેસ 84 બેઠકો સુધી સિમિત રહી શકે છે, જેના કારણે આ પક્ષો ગેલમાં છે અને સત્તાનો સ્વાદ ચાખવા આતૂર બની રહ્યાં છે. પરંતુ કોની તરફ તેમનો ઝુકાવ રહેશે પર સૌની નજર છે.
Lok Sabha Election 2019 BJP congress

જોવા જેવું વધુ જુઓ

બ્રેકિંગ ન્યૂઝ