- 28 સપ્ટેમ્બર ગુરૂવારના રોજ મનાવવામાં આવશે અનંત ચતુર્દશી
- ભગવાન વિષ્ણુ અને દેવી મા લક્ષ્મીની પૂજાનું વિશેષ મહત્વ
- આ રાશિના જાતકો માટે છે સારો સમય
હિન્દુ પંચાંગ અનુસાર ભાદરવા સુદની ચૌદસને અનંત ચતુર્દશી તરીકે મનાવવામાં આવે છે. ત્યારે આ વર્ષે અનંત ચતુર્દશી 28 સપ્ટેમ્બર ગુરૂવારના રોજ મનાવવામાં આવશે. જેને હવે ગણતરીના દિવસો બાકી રહ્યા છે. ત્યારે આ દિવસે ભગવાન વિષ્ણુ અને દેવી મા લક્ષ્મીની પૂજાનું વિશેષ મહત્વ જોવા મળે છે. સાથે જ આ દિવસે ગણેશ વિસર્જન પણ કરવામાં આવે છે. એટલું જ નહીં હિન્દુ માન્યતા એવી પણ છે કે આ દિવસે અનંત રક્ષા સૂત્ર બાંધવાથી જીવનમાં દુઃખ અને સંકટ દૂર થઈ જાય છે. આ વર્ષમાં આવતી અનંત ચતુર્દશી ખૂબ જ વિશેષ માનવામાં આવી રહી છે. કારણ કે આ દિવસે રવિ યોગ, વૃદ્ધિ યોગ અને પૂર્વભાદ્રપક્ષ નક્ષત્રનો સંયોગ બનવા જઈ રહ્યો છે. જે યોગ અનેક રાશિના જાતકોમાં ખુશીઓ ભરી દેશે.
મેષ રાશિ
અનંત ચતુર્દશી પર મેષ રાશિના જાતકોને ભાગ્યનો પૂરેપૂરો સાથ અને સહકાર મળશે. તેમના તમામ કામોમાં ભરપૂર સફળતા મળી શકે તેમ છે. આ અવસર પર તમારા બગડેલા કામો ફરીથી સુધરી જાય તેવા પણ સંજોગો વર્તાઈ રહ્યા છે. તથા આર્થિક લાભ અને રાજકીય લાભોમાં વધારો થાય તેવું પણ જોવા મળી રહ્યું છે..
મિથુન રાશિ
મિથુન રાશિની વાત કરવામાં આવે તો અનંત ચતુર્દશી પર મિથુન રાશિના લોકોને ધન લાભ થઇ શકે છે. આ ઉપરાંત કમાણી માટેના નવા રસ્તા ખુલી જશે અને મન પણ ખૂબ જ ઉત્સાહિત રહેશે. તેમજ નવા દોસ્ત અને વેપારમાં સારો સમય આવે તેવું જાણવા મળી રહ્યું છે.
તુલા રાશિ
તુલા રાશિની વાત કરીએ તો ગણેશજી અને વિષ્ણુજીની કૃપાથી તુલા રાશિના લોકોનો માનસિક તણાવ દૂર થઈ શકે છે. તેમજ પૈસાની લેતી દેતી મામલે સાવધાન રહેવું જોઈએ. તો આરોગ્ય સારું રહેશે અને બિઝનેસમાં લાભના યોગ વર્તાઈ રહ્યા છે.
કુંભ રાશિ
આ ઉપરાંત કુંભ રાશિના લોકોને પણ અનંત ચતુર્દશી પર લાભ થશે. જેમાં દુશ્મનો પર વિજય તથા જીવનસાથીનો સહયોગ પ્રાપ્ત થશે. નોકરી તથા ધંધાના સ્થળે સારી સ્થિતિનું નિર્માણ થશે. વધુમાં તમામ કાર્યમાં ભાગ્યનો સાથ પણ મળશે અને એકાએક કોઈ મોટી ખબર મળે તેવું પણ જણાઈ રહ્યું છે.
