જેકપોટ / આને કહેવાય કિસ્મત! 1 જ નંબરથી બે વખત લાગી લોટરી, મહિલા જીતી ગઈ 50 લાખ રૂપિયા

• મહિલાને લાગ્યો જેકપોટ
• 1 જ નંબરથી બે વખત લાગી લોટરી
• જીતી ગઈ 50 લાખ રૂપિયા 

એક અમેરિકન મહિલાની ખુશી ત્યારે ચાર ગણી વધી ગઈ જ્યારે તેણે એક જ નંબર સાથે બે વખત લોટરી જીતી. હવે તમે વિચારતા જ હશો કે આવું કેવી રીતે થઈ શકે તો ચાલો જાણીએ શું છે આખો મામલો.

મહિલાએ એક જ ઘોડા પર લગાવ્યા બે દાવ
આ મામલો અમેરિકાના મેરીલેન્ડના હયાત્સવિલે શહેરનો છે. જ્યાં એક મહિલાએ મેરીલેન્ડ લોટરી રેસ ટ્રેક વર્ચ્યુઅલ હોર્સ રેસિંગ ગેમમાં એક જ ઘોડા પર બે દાવ લગાવ્યા. નસીબ આ મહિલા પર એટલું મહેરબાન હતું કે તેણે બંને દાવ જીતી લીધા. 

જીતી લીધા 50 લાખ રૂપિયા 
રિપોર્ટ્સ અનુસાર મહિલાએ 30 હજાર 946 ડોલરના બે ઈનામ જીત્યા છે. મતલબ ભારતીય ચલણમાં કુલ 50 લાખ રૂપિયા. મહિલાએ મેરીલેન્ડ લોટરીના અધિકારીઓને જણાવ્યું કે 10, 11 અને 12 તેના મનપસંદ બેટ્સ છે. તેના કારણે તેને કુલ 61,892 ડોલર એટલે કે 49.34 લાખ રૂપિયાનો નફો થયો છે.

દર અઠવાડિયે ખરીદતી હતી લોટરી
મહિલાનું કહેવું છે કે તેને લોટરી રમવાની આદત હતી. તેણે અઠવાડિયામાં બે વાર લોટરીમાં ચોક્કસપણે તેનું નસીબ અજમાવ્યું છે. મહિલાનું કહેવું છે કે એક દિવસ તેણે અહેસાસ થયો કે આજે સટ્ટો લગાવવાનો યોગ્ય સમય છે. જેથી મહિલાએ શહેરના કેનિલવર્થ એવન્યુમાંથી લોટરીની ટિકિટ ખરીદી હતી. 

મહિલાના કહેવા પ્રમાણે લોટરીના કેશિયર પાસે પહેલા નંબરો આઉટ ઓફ સ્ટોક હતા. પરંતુ બાદમાં કેશિયરે તેને કહ્યું કે તેણે ફરીથી લગભગ 31 હજાર ડોલરની ઈનામની રકમ જીતી લીધી છે. આ જોઈને મહિલા પહેલા તો ચોંકી ગઈ, પછી તેની ખુશીનો કોઈ પાર ન રહ્યો.