- વરસાદને લઈ અંબાલાલ પટેલની મોટી આગાહી સામે આવી
- '20 અને 21 ડિસેમ્બરના ઠંડીનો ચમકારો આવશે'
- '22થી 24 ડિસેમ્બરના માવઠું થવાની શક્યતા રહેશે'
Ambalal Patel rain Forecast: રાજ્યમાં ઠંડી અને વરસાદને લઈ અંબાલાલ પટેલની મોટી આગાહી સામે આવી છે. અંબાલાલ પટેલે કહ્યું કે, ચોમસાની પેર્ટન બદલાઈ છે. તેમ શિયાળાની ઋતુ પણ બદલાઈ રહી છે. જેમાં તાપમાનમા વધારો ઘટાડો થયા કરશે. કારણ કે, વેસ્ટન ડિસ્ટર્બન્સ મજબૂત થવો જોઈએ તેવા થયો નથી. જેના કારણે ઠંડી વધી નથી. રાજ્યમા 17થી 19 ડિસેમ્બરમાં વાદળછાયુ વાતાવરણ રહેશે ત્યાર બાદ 20 અને 21 ડિસેમ્બરના ઠંડીનો ચમકારો આવશે. તેમણે વરસાદને લઈ પણ એક આગાહી કરી છે.
અંબાલાલની આગાહી
અંબાલાલ પટેલે આગાહી કરતા કહ્યું કે, 11 જાન્યુઆરીના રોજ રાજ્યમાં ઠંડીનો ચમકારો વધશે જે 24 જાન્યુઆરી સુધી રહેશે. આ વખતે જાન્યુઆરી માસમા હવામાનમાં ઘણા પલટા આવવાની શક્યતા રહેશે. વધુમાં તેમણે ઉમેર્યું કે, નાતાલની આસપાસ ઠંડી વધશે. 29થી 31 ડીસેમ્બરના દેશના ઉત્તરિય પ્રદેશમાં વેસ્ટન ડિસ્ટર્બન્સ આવવાની શક્યતા રહેશે. દેશ સહિત રાજ્યનું હવામાન પલટાયુ છે. પાંચ અને છ જાન્યુઆરીમાં વાદળછાયુ વાતાવરણ રહેશે. 10 જાન્યુઆરીના દક્ષિણ ભારતમા વરસાદના કારણે મુંબઈનુ હવામાન પલટાશે. જે બાદ 10થી13 જાન્યુઆરી સુધીમાં રાજ્યના હવામાનમાં પલટો આવેશે.
'માવઠાની શક્યતા'
ઠંડી સાથે સાથે માવઠાની આફત અંગેની આગાહી કરતા અંબાલાલ પટેલે જણાવ્યુ છે કે, એક વેસ્ટન ડિસ્ટર્બન્સ આવશે અને 22થી 24 ડિસેમ્બરના માવઠું થવાની શક્યતા રહેશે. જોકે શિયાળુ પાકને ઠંડા વાતાવરણની જરૂર છે પરંતુ ભેજના કારણે કમોસમી વરસાદ થવાની શક્યતા રહેશે. તો બીજી તરફ 27થી 29 ડિસેમ્બરના અરબ અને બંગાળના ઉપસાગરમા હલચલ જોવા મળશે. દક્ષિણ ચિન તરફથી આવતા અવશેષો બંગાળના ઉપસાગરમાં આવતા લો પ્રેશર બનશે. આ અરસામા અરબ સાગરમાં વેલ માર્ક લો પ્રેશર બનવાની શક્યતા રહેશે. હવામાનમા વારંવાર પલટો કૃષિ પાકને પ્રભાવિત કરશે
