બોલિવુડ / અક્ષય અને જેકલીનની જેમ આલિયા ભટ્ટ પણ નથી ભારતની નાગરિક, રણબીર સાથે લગ્ન બાદ નાગરિકતા બદલવા અંગે ફેન્સમાં અટકળો

• આલિયા ભટ્ટ પાસે નથી ભારતની નાગરિકતા 
• બ્રિટિશ નાગરિકતા મળી છે આલિયા ભટ્ટને 
• KRKએ પણ આ વાતને લઈને સાધ્યો હતો આલિયા પર નિશાનો 

આલિયા ભટ્ટ પાસે નથી ભારતની નાગરિકતા 

આલિયા ભટ્ટ અને રણબીર કપૂરના લગ્નને લઈને ચર્ચાઓ ચાલી રહી છે. એવું કહેવામાં આવી રહ્યું છે કે બંને આવતા અઠવાડિયે લગ્નના બંધનમાં બંધાવા જઈ રહ્યા છે. પરંતુ શું તમે જાણો છો કે આલિયા પણ અક્ષય કુમાર અને જેકલીન ફર્નાન્ડીઝની જેમ ભારતીય નથી?

આલિયા ભટ્ટ એ અભિનેત્રીમાંની એક છે જેણે ઘણા ઓછા સમયમાં બોલિવૂડની ટોચની અભિનેત્રીઓની યાદીમાં પોતાનો સમાવેશ કરી લીધો છે. તેની ટૂંકી કરિયરમાં તેણે ઘણી સુપરહિટ ફિલ્મોમાં કામ કર્યું છે. હાલમાં જ 'RRR' માટે ચર્ચામાં રહેલી આલિયા હવે તેના લગ્નને લઈને ચર્ચામાં છે.

બોલિવૂડ સિનેમામાં પોતાનો ડંકો વગાડનાર આલિયા પાસે બ્રિટિશ નાગરિકતા છે અને આ જ કારણ છે કે તે ભારત સરકારને ચૂંટવા માટે પોતાનો વોટ પણ આપી શકતી નથી.

બ્રિટિશ નાગરિકતા મળી છે આલિયા ભટ્ટને 

બ્રિટિશ નાગરિકતા અંગે તેના પિતા મહેશ ભટ્ટે એક ઈન્ટરવ્યુ દરમિયાન કહ્યું હતું કે આલિયાની માતા એટલે કે સોની રાઝદાન બ્રિટિશ મૂળની છે. તેનો જન્મ બર્મિંગહામમાં થયો હતો. તેથી જ આલિયાને બ્રિટિશ નાગરિકતા મળી છે. આલિયાએ એક વખત ભારતીય નાગરિકતા ન હોવાનો અફસોસ પણ વ્યક્ત કર્યો હતો. તેણે કહ્યું હતું કે- દુર્ભાગ્યવશ હું મતદાન કરી શકતી નથી કારણ કે મારી પાસે બ્રિટિશ નાગરિકતા છે.

KRKએ પણ આ વાતને લઈને સાધ્યો હતો આલિયા પર નિશાનો 

If I will become PM even for one hour, then my very first job will be deportation of @AkshayKumar @aliaa08 and @Asli_Jacqueline to their home countries.

— KRK (@kamaalrkhan) April 6, 2022

હાલમાં જ  કમાલ આર ખાને આલિયાની નાગરિકતા પર નિશાનો સાધ્યો હતો. તેણે ટ્વીટ કરીને કહ્યું હતું કે, 'જો હું એક કલાક માટે પણ PM બનીશ તો મારું પહેલું કામ અક્ષય કુમાર, આલિયા ભટ્ટ અને જેકલીન ફર્નાન્ડિસને દેશની બહાર લઈ જઈને તેમના દેશમાં મોકલવાનું હશે.'

હવે લોકો આ સવાલ પૂછી રહ્યા છે કે ભારતમાં બેવડી નાગરિકતાની જોગવાઈ નથી, તો શું આલિયા રણબીર કપૂર સાથે લગ્ન કર્યા બાદ ભારતીય નાગરિકતા લેશે?