- અલાસ્કા ટ્રાયેન્ગલ તરીકે ઓળખાતી જગ્યા રહસ્યમય છે
- આ રહસ્યમય જગ્યાએથી 20,000 થી વધુ લોકો ગુમ થયા
- આ રહસ્યમય જગ્યાએથી ભૂતના અવાજ સાંભળવા મળે છે
અમેરિકાની સ્પેસ એજન્સી નાસા અને સરકારે તાજેતરમાં યુએફઓ અને એલિયન્સ જેવી ઘટનાઓમાં રસ દાખવ્યો છે. આ અવસર પર આપણે વિશ્વના એક એવા સ્થળ વિશે જાણીએ છીએ જ્યાં ઘણી વિચિત્ર ઘટનાઓ જોવા મળી છે. આ જગ્યા 'અલાસ્કા ટ્રાયેન્ગલ' તરીકે ઓળખાય છે. અહીં જે કંઈ થઈ રહ્યું છે તેના વિશે સાંભળીને દરેકને આશ્ચર્ય થાય છે. એવું કહેવાય છે કે યુએફઓ જોવું, ભૂતના અવાજ સાંભળવા અને પગના મોટા નિશાન જોવા અહીં સામાન્ય છે. 1970 થી અત્યાર સુધીમાં 20,000 થી વધુ લોકો ગુમ થયા છે.
ગુમ થવાના વણઉકેલાયેલા કેસ
ડિસ્કવરી ચેનલ ડોક્યુમેન્ટરીને એક અહેવાલમાં યુએફઓ જોનાર પ્રત્યક્ષદર્શી કહે છે કે તે ખૂબ જ અલગ ત્રિકોણાકાર આકારનો મજબૂત પદાર્થ હતો. તે આપણે જાણીએ છીએ તે વિમાનથી અલગ રીતે ઉડતું હતું. એ ઉડતી વસ્તુમાંથી કોઈ અવાજ નહોતો. એવું લાગતું હતું કે તમને જે શીખવવામાં આવ્યું હતું તે બધું ગાયબ થઈ ગયું છે. કારણ કે આ કેવી રીતે શક્ય બને? જ્યાં યુએફઓ જોયો હતો ત્યાંથી 11 માઈલ દૂર રહેતા માઈકલ ડિલન કહે છે કે તેણે તેના કેમેરામાં આવી જ ઘટના કેદ કરી છે. જેમાં તેજ ગતિએ ઉપર તરફ જતા પહેલા વાદળોમાં પ્રકાશ દેખાયો હતો. તેણે કહ્યું, 'તે સ્પષ્ટ હતું કે અમે જે જોયું તે કુદરતી ઘટના નથી. કોઈપણ માનવ શરીર તે ઝડપે ઉડી શકતું નથી. વિશ્વના કોઈપણ અન્ય સ્થાનો કરતાં અહીં ગુમ થવાના વધુ વણઉકેલાયેલા કેસ જોવા મળે છે.
ગુમ થયેલા કેસોની સંખ્યા રાષ્ટ્રીય સરેરાશ કરતા બમણી
અન્ય એક વેબસાઈટ મુજબ, ડિસ્કવરી ચેનલની નવી ડોક્યુમેન્ટ્રીમાં રહસ્યમય યુએફઓ જોનારા પ્રત્યક્ષદર્શીઓની મુલાકાત લેવામાં આવી છે. દક્ષિણમાં એન્કોરેજ અને જુનેઉથી ઉત્તર કિનારે ઉત્કિયાગવિક સુધીના વિસ્તારમાં 1970 થી 20,000 થી વધુ લોકો ગુમ થયા છે. આ ઉપરાંત અહીં વિશાળ પગના નિશાન પણ જોવા મળ્યા હતા. લોકો માને છે કે માંસ ખાનાર કોઈ મોટો જીવ તેમને લઈ ગયો છે. ગુમ થયેલા કેસોની સંખ્યા રાષ્ટ્રીય સરેરાશ કરતા બમણી છે. બચાવ કાર્યકરોએ ગુમ થયેલ વ્યક્તિઓની શોધ કરતી વખતે ચક્કર અને અસ્વસ્થતા તેમજ ભૂતિયા અવાજો સાંભળવાની જાણ કરી છે. અહીં રાત્રે આકાશમાં પ્રકાશ જોવાની ઘટના પણ એક રહસ્ય બનીને રહી ગઈ છે. કેટલાક લોકો માને છે કે યુએસ લશ્કરી અધિકારીઓ તેમની પરીક્ષણ રેન્જમાં UFOsની હાજરી વિશે બધું જ જાણતા હશે. હિપ્નોથેરાપિસ્ટ અને પેરાનોર્મલ સંશોધક જોની એનોચે જણાવ્યું હતું કે 'અલાસ્કા ટ્રાયેન્ગલ'માં સ્પષ્ટપણે કંઈક વિચિત્ર થઈ રહ્યું છે. તેમનો અંદાજ છે કે યુએસ આર્મીના વરિષ્ઠ અધિકારીઓ ગુપ્ત રીતે આ રહસ્યની પાછળ રહેલી વસ્તુ વિશે જાણે છે.
