જાહેરાત / રાજકોટવાસીઓ માટે આનંદો: રાજ્યમાં આ તારીખથી શરૂ થશે રાજકોટ to મુંબઇની Air India ફ્લાઇટ

• ઈન્ડિગો બાદ એર ઇન્ડિયાની જાહેરાત 
• 20 એપ્રિલથી મુંબઈ માટે વધુ એક ફ્લાઇટ શરૂ
• રાજકોટ અને મુંબઈ વચ્ચે શરૂ કરાશે ફ્લાઇટ 

રાજકોટવાસીઓ માટે સારા સમાચાર સામે આવ્યા છે. એર ઈન્ડિયા દ્વારા રાજકોટથી મુંબઈ માટે ફ્લાઇટ શરૂ કરવાની જાહેરાત કરવામાં આવી છે. આગામી 20 એપ્રિલથી રાજકોટથી આ ફ્લાઇટ સવારે 6.45 વાગ્યે ટેક ઓફ થશે. હવાઈ મુસાફરીની સંખ્યામાં વધારો થતાં આ નિર્ણય લેવામાં આવ્યો છે. મહત્વનું છે કે, આ પહેલા ઈન્ડિગોએ રાજકોટથી મુંબઈ માટે ફ્લાઇટ શરૂ કરવાની જાહેરાત કરી હતી.

ઈન્ડિગો બાદ એર ઇન્ડિયાએ પણ કરી જાહેરાત
રાજકોટ એરપોર્ટ પર ડોમેસ્ટિક અને ઇન્ટરનેશનલ પેસેન્જર્સની સંખ્યામાં સતત વધારો થઈ રહ્યો છે. જેના કારણે ફ્લાઇટની સંખ્યા પણ સતત વધારવામાં આવી રહી છે. ગયા અઠવાડિયે ઇન્ડિગો દ્વારા રાજકોટથી મુંબઈની ફ્લાઇટની જાહેરાત કરાયા બાદ હવે એર ઈન્ડિયાએ પણ રાજકોટથી મુંબઈ વચ્ચે ફ્લાઇટ શરૂ કરવાની જાહેરાત કરી છે. 

ઉનાળુ વેકેશન પહેલાં જ શરૂ થયું એરટ્રાફિક
આગામી મે મહિનામાં મુસાફરોની સંખ્યામાં વધુ ઉછાળો આવે તેવી શક્યતાના પગલે એર ઈન્ડિયાએ 20 એપ્રિલથી ફ્લાઇટ શરૂ કરવાની જાહેરાત કરી છે. રાજકોટથી મુંબઈ જવા માટે સવારે બે ફ્લાઇટ શરૂ થતાં મુસાફરોને ઘણી રાહત મળશે.