- અમદાવાદમાં લોકસભા ચૂંટણી પહેલાં કરોડો રૂપિયાના પ્રોજેક્ટોનું લોકાર્પણ
- પીએમ મોદી વિડિયો કોન્ફરન્સ માધ્યમથી પીએમ આવાસ યોજનાનું લોકાર્પણ કરશે
- ગુજરાતની તમામ 182 વિધાનસભામાં કાર્યક્રમનું આયોજન
રાજકીય પક્ષો દ્વારા લોકસભા 2024 ને લઈ તડામાર તૈયારીઓ હાથ ધરી છે. ચૂંટણી જાહેર થાય તે પહેલા કરોડો રૂપિયાનાં પ્રોજેક્ટોનું લોકાર્પણ હાથ ધરવામાં આવનાર છે. તેમજ વડાપ્રધાન વીડિયો કોન્ફરન્સ માધ્યમતી પીએમ આવાસ યોજનાનું લોકાર્પણ કરશે.
ધારાસભ્યો પણ વિડિયો કોન્ફરન્સના માધ્યમથી અલગ અલગ કેન્દ્રો પરથી જોડાશે
લોકસભા 2024 ને હવે ગણતરીનાં દિવસો બાકી છે. આગામી ટૂંક સમયમાં કેન્દ્રીય ચૂંટણી પંચ લોકસભાની ચૂંટણીની જાહેરાત કરી શકે છે. ગુજરાત રાજ્યમાં લોકાર્પણ અને ખાતમૂહુર્તના કાર્યોનું રાજ્ય સરકારે અને કેન્દ્ર સરકારે આયોજન કર્યું છે. 10 ફેબ્રુઆરીના રોજ ગુજરાતની 182 વિધાનસભા બેઠકો ઉપર વડાપ્રધાન નરેન્દ્ર મોદી વીડિયો કોન્ફરન્સ ના માધ્યમથી કુલ 2993 કરોડના 1,31,545 આવાસ યોજનાના મકાનોનું લોકાર્પણ અને ખાત મુર્હત કરશે. આ કાર્યક્રમમાં ધારાસભ્યો પણ વિડિયો કોન્ફરન્સના માધ્યમથી અલગ અલગ કેન્દ્રો પરથી જોડાશે.
વધુ વાંચોઃ 'અમને ચા પીવડાવશો' કહીને મદારીઓએ લાખોના દાગીના પડાવી લીધા, કાલોલમાં વિધિના નામે ઠગાઇ કરતી ગેંગ સક્રિય
અમદાવાદમાં ક્યાં ક્યાં યોજાશે લોકાર્પણ કાર્યક્રમ
તા. 10 ફેબ્રુઆરીનાં રોજ વડાપ્રધાન 182 વિધાનસભામાં કુલ 2993 કરોડના કામોનું લોકાર્પણ કરવામાં આવશે. જેમાં 1,31,454 આવાસોનું ઈ-લોકાર્પણ કરવામાં આવશે. અમદાવાદમાં ઈન્દ્રપુરી, લાલ દરવાજા, દુધેશ્વર, દાણીલીમડા, બાપુનગર, સાબરમતી, વિરાટ નગર, અસારવા, ઈસનપુર, સરસપુર, વાસણા, ગોતા, સરખેજ, રાણીપ, વટવા, સરદારનગરમાં ઈ-લોકાર્પણ તેમજ ખાતમુર્હત કરાશે.
