અમદાવાદ / ઉનાળામાં બરફ ગોલા ખાતા પહેલા ચેતજો, AMCના ચેકિંગમાં 46 માંથી 11 ફેક્ટરીઓના બરફના સેમ્પલ ફેઇલ, જાણો વિગત

• ઉનાળામાં બરફનો ઉપયોગ કરતા સાચવજો
• બરફ બનાવવા વપરાતા પાણીના લેવાયા નમૂના
• 46 માંથી 11 ફેક્ટરીઓના સેમ્પલ ગયા ફેઇલ

ઉનાળાની સિઝનમાં બરફનો ઉપયોગ કરતા થોડું વિચારજો કારણ કે અમદાવાદ મહાનગરપાલિકા દ્વારા બરફની ફેક્ટરીમાં કરાયેલા ચેકિંગમાં મોટા પાયે બરફ બનાવવા માટે ઉપયોગમાં લેવાતું પાણી પરીક્ષણમાં નિષ્ફળ સાબિત થયું છે. કોર્પોરેશન દ્વારા 46 બરફ ફેક્ટરીઓમાં તપાસ કરવામાં આવી હતી જેમાંથી 11 ફેક્ટરીઓના પાણીના સેમ્પલ અનફિટ આવ્યા છે. તેમજ ત્રણ ફેક્ટરીઓને સીલ કરવામાં આવી છે અને એકને નોટિસ ફટકારવામાં આવી છે. 

ઉનાળામાં બરફનો ઉપયોગ કરતા સાચવજો
ઉનાળાની સિઝનમાં લોકો શેરડીનો રસ તેમજ અન્ય પીણામાં બરફનો ઉપયોગ કરે છે આ સાથે બરફ ગોળાની પણ મજા માણે છે. જો કે જે બરફ પાણીમાંથી બનાવવામાં આવે છે તે શુદ્ધના હોય તો તેનાથી પાણીજન્ય રોગચાળો થઈ શકે છે અમદાવાદ મહાનગરપાલિકા દ્વારા કરવામાં આવેલ બરફની ફેક્ટરીનાં ચેકિંગમાં 11 સેમ્પલો નિષ્ફળ સાબિત થયા છે.

કોર્પોરેશને 46 બરફની ફેક્ટરીઓમાં કરી તપાસ
બરફની અમુક ફેક્ટરી ધારકો બરફ બનાવવામાં માટે પાણી યોગ્ય ક્વોલિટીનું ન વાપરતા હોવાથી ઉનાળામાં બરફનો ઉપયોગ કરતા સાચવજો કારણ કે, અમદાવાદ મહાનગરપાલિકા દ્વારા બરફની ફેક્ટરીમાં ચેકિંગ ધરાયું હતું અને જમાં  46 ફેક્ટરીઓમાં સેમ્પલ લેવાયા હતાં જેમાંથી 11 સેમ્પલ ફેઈલ ગયા છે