- અમદાવાદ કોર્પોરેશને બાકી ટેક્સ ધારકોને લઇને લીધો મહત્વનો નિર્ણય
- કોમર્શિયલ મિલકત તેમજ રહેણાંક ટેક્સ ધારકોને લઇને લેવાયો નિર્ણય
- ચાલુ વર્ષ સિવાય જે ટેક્સ ધારકોનો ટેક્સ બાકી હશે તેને વ્યાજ માફી મળશે
અમદાવાદ મ્યુનિસિપલ કોર્પોરેશન દ્વારા ચાલુ વર્ષે પ્રોપર્ટી ટેક્સમાં વ્યાજ માફીની મહત્વની જાહેરાત કરવામાં આવી છે. જેમાં રહેણાંક મિલકતમાં 75 ટકા જ્યારે કોમર્શિયલ મિલકતમાં 60 ટકા વ્યાજ માફીની જાહેરાત કરવામાં આવી છે. આ સ્ક્રીમ આવતીકાલથી એટલેકે 15 ફેબ્રુઆરી 2024 થી 31 માર્ચ 2024 સુધી જ આ સ્કીમ લાગુ પડશે. તેમજ જે પ્રોપર્ટી ટેક્સ ભરશે તેટલી જ તેમને રાહત આપવામાં આવશે.
કાલથી 45 દિવસ સુધી પ્રોપર્ટી ધારકો માટે વ્યાજ માફીની સ્ક્રીમ અમલમાં મૂકવામાં આવશેઃ દેવાંગ દાણી (ચેરમેન, સ્ટેન્ડિંગ કમિટી)
આ બાબતે સ્ટેન્ડિંગ કમિટીના ચેરમેન દેવાંગ દાણીએ જણાવ્યું હતું કે, અમદાવાદ મ્યુનિસિપલ કોર્પોરેશન દ્વારા શહેરીજનો ઝડપી પ્રોપર્ટી ટેક્સ ભરે તેમજ અગાઉનો જે પ્રોપર્ટી ટેક્સ બાકી હોય તે ટેક્સ ભરે તે માટે 15 ફેબ્રુઆરી એટલે કે કાલથી 45 દિવસ સુધી પ્રોપર્ટી ધારકો માટે વ્યાજ માફીની સ્ક્રીમ અમલમાં મૂકવામાં આવશે. તેમજ રહેણાંક અને કોમર્શિયલ બંને મિલક્તો માટે અલગ અલગ ટકાવારી લાગુ કરવામાં આવેલ છે.
વધુ વાંચોઃ બેકારીએ યુવકને બનાવ્યો ચોર! ફ્લેટની લોનનો માસિક હપ્તો ભરવા બાઈક ચોર્યું, એક ભૂલે પથારી ફેરવી
સીસીટીવીની દેખરેખ હેઠળ ગટરની સફાઈ થશે
તેમજ શહેરમાં છાશવારે ગટર ઉભરાવવાની સમસ્યામાંથી મુક્તિ મળે તે માટે હવેથી ગટરની સફાઈ CCTV મારફતે કરવામાં આવનાર છે. મ્યુનિસિપલ કોર્પોરેશન દ્વારા દરેક ઝોનમાં સીસીટીવી ડિસિલટિંગનો ડેટા સેન્ટ્રલાઈઝ કરવા માટેની પણ સૂચના આપી દેવામાં આવી છે. સીસીટીવી મારફતે હવે ધ્યાન રખાશે તે ગટરની યોગ્ય સફાઈ થઈ છે કે નહી.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
https://whatsapp.com/channel/0029Va9Pzs50gcfLWGaYSv35
