જાહેરનામું / ઓટો રીક્ષા, કેબ તેમજ ટેક્સીમાં આ નિયમનું પાલન ફરજીયાત, તહેવારોને ધ્યાને લેતા અમદાવાદ શહેર પોલીસ કમિશ્નરનું જાહેરનામું

• અમદાવાદ શહેર પોલીસ કમિશ્નર દ્વારા તહેવારોને ધ્યાને લઈ જાહેરનામું પ્રસિદ્ધ
• શહેરમાં ફરતા ઓટો રીક્ષા, કેબ તેમજ ટેક્સીમાં ફરજીયાત કરવું પડશે પાલન
• પેસેન્જર વાહનોમાં વાહન નંબર, વાહન માલિકનું નામ, પોલીસ કંટ્રોલ રૂમનાં નંબર લખવા ફરજીયાત

 તાજેતરમાં સોલા વિસ્તારમાં રાત્રી દરમ્યાન ટેક્ષીમાં મુસાફરી કરી રહેલ રાહદારીને ધમકાવી લૂંટી લેવાનાં બનાવમાં 2 ટ્રાફિક પોલીસકર્મીને સસ્પેન્ડ કરાયા છે. જ્યારે એક ટીઆરબી જવાનને બરતરફ કરાયો છે. તાજેતરમાં રીક્ષા/કેબ/ ટેક્ષીમાં મુસાફરી કરતા નાગરીકો સાથે છેંતરપીંડી, ખીસ્સા કાતરવા, મોબાઈલ ચોરી અન્ય કિંમતી સામાનની ચોરી, ચીલઝડપ, લૂંટ, ધાડ, મહિલાઓ, બાળકોની છેડતી અને અપહરણ જેવા ગંભીર પ્રકારનાં બનાવો બન્યા હતા. ત્યારે બનાવમાં નાગરીકો રીક્ષા/કેબ/ ટેક્ષીનાં નંબર જાણતા ન હોવાથી ગુન્હાઓ વણશોધાયેલ રહે છે. જેને લઈ અમદાવાદ પોલીસ કમિશ્નર દ્વારા જાહેરનામું બહાર પાડવામાં આવ્યું છે. 

સીટની પાછળનાં ભાગે તમામ વિગતો લખેલી હોવી જોઈએ
અમદાવાદ શહેરની હદ વિસ્તારમાં ચાલતી તમામ રીક્ષા/કેબ/ ટેક્ષીમાં મુસાફરી કરતા મુસાફરો સહેલાઈથી વાંચી શકે તે રીતે વાહન ચાલકની સીટનાં પાછળનાં ભાગે વાંચી શકે તે રીતે વાહન ચાલકની સીટનાં પાછળનાં ભાગે વાહન નંબર, વાહન માલિકનું નામ તેમજ અમદાવાદ શહેર પોલીસ કંટ્રોલનાં નંબરો અને હેલ્પલાઈન નંબરો ફરજીયાતપણે કાયમી ધોરણે લખાણ લખવું. 

pic.twitter.com/nrvWpvbeFh

— Ahmedabad Police અમદાવાદ પોલીસ (@AhmedabadPolice) September 30, 2023

જાહેરનામાનો ભંગ કરનાર સામે કાયદેસરની કાર્યવાહી હાથ ધરાશે
તેમજ રીક્ષા/કેબ/ ટેક્ષીનાં માલિકે વાહનમાં પેસેન્જરની બેસવાની જગ્યાએ સ્પષ્ટ દેખાય તે રીતે વાહન ચાલકની સીટનાં પાછળ લખવું ફરજીયાત છે. જે રીક્ષા/કેબ/ ટેક્ષીમાં સીટનાં માલિકો દ્વારા જાહેરનામાનો ભંગ કરવામાં આવશે તેની સામે  ભારતીય ફોજદારી ધારા કલમ 188 મુજબ કાયદેસરની કાર્યવાહી હાથ ધરવામાં આવશે.