- વડાપ્રધાન મોદી તા.12ના રોજ રાજસ્થાનના દૌસાની મુલાકાતે
- પીએમ મોદીની મુલાકાત પહેલા વિસ્ફોટક પદાર્થ ઝડપાયો
- પોલીસની નાકાબંધી દરમિયાન જથ્થો ઝડપાતા ચકચાર
વડાપ્રધાન મોદી આગામી તા.12ના રોજ રાજસ્થાનના દૌસાની મુલાકાત લઈ રહ્યા છે.આવી સ્થિતિ વચ્ચે દૌસામાંથી હજારો કિલ્લો વિસ્ફોટક પદાર્થ મળી આવતા સનસનાટી મચી જવા પામી છે. આ મામલે પોલીસે એક શખ્સને દબોચી લીધો છે. જેની સઘન પૂછપરછ કરવામાં આવી રહી છે. જોકે વિસ્ફોટક પદાર્થનો ઉપયોગ ગેરકાયદે માઈનિંગમાં થવાનો હોવાનો દાવો કરવામાં આવી રહ્યો છે. તો બીજી તરફ વડાપ્રધાન મોદીનું મુલાકાતને લઈને પોલીસે આ દિશામાં કાર્યવાહી હાથ ધરી છે.
.jpg)
એક હજાર કિલો વિસ્ફોટકો ઝડપાયા
વડાપ્રધાન મોદીની મુલાકાત અગાઉ રાજસ્થાનના દૌસામાં એક હજાર કિલો વિસ્ફોટકો ઝડપાયા હોવાનું જાણવા મળી રહ્યું છે. આ મામલે પોલીસ ઝપટે ચડેલા આરોપીના કબજામાંથી 65 ડિટોનેટર અને 13 વાયર પણ ઝડપાયા હોવાનું સામે આવ્યું છે. ભાંકરી રોડ પરથી ઝડપાયેલા જથ્થા મામલે આરોપી રાજેશ મીણાની અટકાયત કરાઈ છે સૂત્રોનું માનીએ તો પ્રાથમિક તપાસ દરમિયાન આ વિસ્ફોટકનો ગેરકાયદેસર ખાણકામમાં ઉપયોગ કરવાનો હોવાનું બહાર આવ્યું છે. જોકે આ મામલે પોલીસ ઊંડી તપાસ હાથ ધરી રહી છે.
12 ના રોજ વડાપ્રધાન નરેન્દ્ર મોદી દૌસાની મુલાકાતે
ઉલ્લેખનીય છે કે, તા. 12 ના રોજ વડાપ્રધાન નરેન્દ્ર મોદી દિલ્હી-મુંબઈ એક્સપ્રેસવેના પ્રથમ તબક્કાના ઉદ્ઘાટન અર્થે દૌસાની મુલાકાત લઈ રહ્યાં છે. આ પહેલો એક્સપ્રેસ વે હશે જે લગભગ 12 લેનનો બનશે. જેના પર વાહનો 120 કિલોમીટર પ્રતિ કલાકની ઝડપે દોડી શકશે. મહત્વની વાત એ છે કે હવે દિલ્હીથી જયપુર અને દૌસા પહોંચવામાં માત્ર 2 કલાકનો સમય લાગશે. તેઓની મુલાકાતને ધ્યાનમાં રાખીને જિલ્લા વહીવટીતંત્ર અને પોલીસ એલર્ટ મોડ પર કાર્યવાહી કરી રહ્યું છે. જે વેળાએ પોલીસની તપાસ દરમિયાન વિસ્ફોટકોનો જંગી જથ્થો મળી આવતા તંત્ર સાબદુ થયું છે. દિલ્હી-મુંબઈ કોરિડોર પૂર્ણ થઈ જશે ત્યારે માત્ર 12 કલાકમાં દિલ્હીથી મુંબઈ પહોંચવું શક્ય બનશે.
