તમારા કામનું / મોબાઈલ વાપરતાં લોકો માટે આવ્યાં ખરાબ સમાચાર, હવે ટેરિફ પ્લાનમાં થઈ શકે છે આટલો વધારો

• ટેલિકોમના ગ્રાહકો માટે ખરાબ સમાચાર
• હવે તમારે વધુ મોબાઈલ બિલ ચૂકવવું પડશે
• ટેરિફ પ્લાનમાં થઈ શકે છે 10 ટકાનો વધારો

સુપ્રીમ કોર્ટે ટેલિકોમ ઓપરેટરોને 31 માર્ચ 2021 સુધીમાં તેમના બાકી રહેલા 10 ટકા એજીઆર જમા કરવા આદેશ આપ્યો છે. તેઓ બાકીની રકમ 10 હપ્તામાં જમા કરાવી શકે છે, જે 31 માર્ચ, 2022થી શરૂ થશે. બ્રોકરેજ ફર્મ જેફરીઝનો અંદાજ છે કે ભારતી એરટેલને માર્ચ સુધીમાં આશરે 2,600 કરોડ અને વોડાફોનને 5000 કરોડ રૂપિયા ચૂકવવા પડશે. જેના બદલામાં એવરેજ રેવન્યૂ પ્રતિ યુઝર (ARPU)ને 10 ટકા અને 27 ટકા વધારવાની જરૂર પડશે. પહેલાં ક્વાર્ટરમાં એઆરપીયુ એરટેલ માટે 157 કરોડ અને વોડાફોન આઈડિયા માટે 114 કરોડ હતું.

જેફરીઝે કહ્યું, અમારો અનુમાન છે કે, નજીકના ભવિષ્યમાં ટેરિફમાં ઓછામાં ઓછા 10 ટકાનો વધારો થઈ શકે. એડજસ્ટેડ ગ્રોસ રેવન્યુ (એજીઆર) કેસમાં સુપ્રીમ કોર્ટના નિર્ણય પછી વિશ્લેષકોએ જણાવ્યું હતું કે વોડાફોન આઈડિયા લિ. (વીઆઇએલ)ને બાકી રકમ પરત કરવામાં મુશ્કેલીનો સામનો કરવો પડી શકે છે. બ્રોકરેજ કંપની મોતીલાલ ઓસ્વાલ ફાઇનાન્શિયલ સર્વિસે જણાવ્યું કે, વોડાફોન આઈડિયાને સમયસર ચુકવણી કરવામાં મુશ્કેલી આવી શકે છે પરંતુ ભારતી એરટેલને કિસ્સામાં એવું નહીં થાય. 

સુપ્રીમ કોર્ટે મંગળવારે વોડાફોન આઈડિયા, ભારતી એરટેલ અને ટાટા ટેલિસર્વિસિસ જેવી કંપનીઓને ટેલિકમ્યુનિકેશન્સ ડિપાર્ટમેન્ટને દસ વર્ષનો સમય આપ્યો હતો, જેથી તેઓ એડજસ્ટેડ ગ્રોસ રેવન્યૂ સંબંધિત બાકીની રકમ ચૂકવી શકે. કોર્ટે પોતાના ચુકાદામાં એજીઆર હેડમાં 1.6 લાખ કરોડ રૂપિયાની બાકી ચુકવણી માટે ટેલિકોમ કંપનીઓને 20 વર્ષનો સમય આપવાનો ઇનકાર કર્યો હતો.