BIG BREAKING / તુર્કીયે બાદ હવે ભારતના આ રાજ્યમાં ભૂકંપથી ધરા ધ્રુજી, 4.3ની તીવ્રતાનો આંચકો આવતા ફફડાટ

• ભારતમાં ફરી એકવાર ભૂકંપનો આંચકો 
• સિક્કિમના કેટલાક વિસ્તારોમાં ભૂકંપના આંચકા
• ભૂકંપનું કેન્દ્ર સપાટીથી 70 કિલોમીટરની ઉંડાઈએ 

સોમવારે સવારે સિક્કિમના કેટલાક વિસ્તારોમાં ભૂકંપના આંચકા અનુભવાયા હોવાનું સામે આવ્યું છે. વિગતો મુજબ ભૂકંપના કારણે કોઈ જાનહાનિ કે જાનમાલને નુકસાન થયું હોવાની કોઈ માહિતી નથી. નેશનલ ભૂકંપ કેન્દ્રના જણાવ્યા અનુસાર સવારે 4.15 કલાકે આંચકા અનુભવાયા હતા. તેનું કેન્દ્ર ઉત્તર-પૂર્વીય યુક્સોમમાં હતું. ભૂકંપનું કેન્દ્ર સપાટીથી 70 કિલોમીટરની ઉંડાઈએ હતું.

ગત રવિવારે આસામના કેટલાક ભાગોમાં પણ ચારની તીવ્રતાનો ભૂકંપ અનુભવાયો હતો. મહત્વનું છે કે, આસામમાં ભૂકંપથી કોઈ જાનહાનિ કે સંપત્તિને નુકસાન થયું નથી. રાષ્ટ્રીય ભૂકંપ કેન્દ્રના અહેવાલ મુજબ, આંચકો સાંજે 4.18 કલાકે અનુભવાયો હતો અને તેનું કેન્દ્ર નગાંવ જિલ્લામાં બ્રહ્મપુત્રા નદીના દક્ષિણ કાંઠે હતું. ભૂકંપનું કેન્દ્ર સપાટીથી 10 કિલોમીટરની ઉંડાઈએ હતું.

An earthquake of magnitude 4.3 on the Richter scale occurred today at around 4.15am 70km NW of Yuksom, Sikkim: National Center for Seismology pic.twitter.com/BrHa9lcvXC

— ANI (@ANI) February 13, 2023

રિપોર્ટ અનુસાર, ભૂકંપનું કેન્દ્ર ગુવાહાટીથી 160 કિમી દૂર મધ્ય આસામના હોજાઈ નજીક હતું. પશ્ચિમ કાર્બી આંગલોંગ, કાર્બી આંગલોંગ, ગોલાઘાટ અને મોરી ગામ જિલ્લાના લોકોએ પણ આંચકા અનુભવ્યા હતા. આ ઉપરાંત બ્રહ્મપુત્રા નદીના ઉત્તર કિનારે આવેલા સોનિતપુરમાં રહેતા લોકોએ પણ આંચકો અનુભવ્યો હતો. પૂર્વોત્તરના તમામ રાજ્યો ઉચ્ચ ધરતીકંપની સંભાવનાવાળા વિસ્તારોમાં આવે છે અને આ વિસ્તારમાં ભૂકંપના આંચકા નિયમિતપણે અનુભવાય છે.

નોંધનીય છે કે, ભારતની લગભગ 59 ટકા જમીન વિવિધ તીવ્રતાના ભૂકંપ માટે સંવેદનશીલ છે. 8 રાજ્યો અને કેન્દ્રશાસિત પ્રદેશોના શહેરો અને નગરો ઝોન-5માં છે અને સૌથી વધુ તીવ્રતાના ધરતીકંપનું જોખમ છે. ઝોન-5માં 9ની તીવ્રતાનો ભૂકંપ આવી શકે છે. ઝોન-5માં ગુજરાત, હિમાચલ પ્રદેશ, બિહાર, જમ્મુ અને કાશ્મીર અને સમગ્ર ઉત્તર પૂર્વનો સમાવેશ થાય છે.