- RCB છેલ્લા બોલ પર મેચ હારી ગયું હતું
- સિનિયર વિકેટકીપર દિનેશ કાર્તિકે મોટી ભૂલ કરી
- આ ભૂલને કારણે RCB ફેન્સ તેના પર ગુસ્સે ભરાયા
IPL 2023 ની 15મી મેચમાં રોયલ ચેલેન્જર્સ બેંગ્લોર અને લખનૌ સુપર જાયન્ટ્સ વચ્ચે કાંટાની ટક્કર જોવા મળી હતી. આ મેચમાં પહેલા બેટિંગ કરતા RCBની ટીમે 212 રન બનાવ્યા હતા પણ બોલરોના ખરાબ પ્રદર્શનને કારણે RCB છેલ્લા બોલ પર મેચ હારી ગયું હતું. જો કે આ બધા વચ્ચે RCBની હાર પછી ચાહકો ટીમના એક ખેલાડી પર ગુસ્સે થઈ ગયા હતા.
સિનિયર વિકેટકીપર દિનેશ કાર્તિકે મોટી ભૂલ કરી
જણાવી દઈએ કે આ મેચમાં 213 રનના મોટા લક્ષ્યનો પીછો કરતી વખતે લખનૌની ટીમને છેલ્લા બોલ પર માત્ર 1 રનની જરૂર હતી અને તેની 9 વિકેટ પડી ગઈ હતી. એ બાદ બોલિંગ કરી રહેલા હર્ષલ પટેલે બેટિંગ કરી રહેલા અવેશ ખાનને તરફ બોલ ફેંક્યો અને લખનૌના બેટ્સમેનો બાય લેવા દોડી ગયા હતા. આ બધા વચ્ચે RCBના સિનિયર વિકેટકીપર દિનેશ કાર્તિકે મોટી ભૂલ કરી. વાત એમ છે કે કાર્તિકે બોલને પકડીને માત્ર વિકેટ પર મારવાનું હતું પણ તે બોલને પકડવામાં નિષ્ફળ ગયો અને લખનૌના બેટ્સમેનો દોડીને એક રન પૂરો કર્યો હતો.
કાર્તિકની આ ભૂલને કારણે હવે RCB ફેન્સ તેના પર ગુસ્સે ભરાયા છે આ સાથે જ આ લોકો કાર્તિકને જોરદાર ટ્રોલ કરી રહ્યા છે. ઉપરાંત ઘણા લોકોએ તેની નિવૃત્તિની માંગ પણ કરી રહ્યા છે. કેટલાક ક્રિકેટ ચાહકો કાર્તિકની તુલના ધોની સાથે કરીને તેને ટ્રોલ કરી રહ્યા છે.
19 બોલમાં 4 ચોગ્ગા અને 7 છગ્ગાની મદદથી 62 રન
આરસીબીએ લખનૌની ટીમ સામે 212 રન બનાવ્યા હતા. એ જ સમયે 213 રનનો પીછો કરતા લખનૌની શરૂઆત ખરાબ રહી હતી અને ટીમે 23ના સ્કોર પર પોતાની ત્રણ વિકેટ ગુમાવી દીધી હતી પણ આ પછી માર્કસ સ્ટોઈનિસે ઝડપી બેટિંગ શરૂ કરી હતી અને તેને 30 બોલમાં 65 રન બનાવ્યા હતા. જો કે તેની વિકેટ બાદ ફરી એકવાર લખનૌની ટીમ બેકફૂટ પર આવી ગઈ હતી. આ પછી નિકોલસ પૂરને પણ જોરદાર બેટિંગ કરી અને 19 બોલમાં 4 ચોગ્ગા અને 7 છગ્ગાની મદદથી 62 રન બનાવ્યા હતા.
પણ પુરનની વિકેટ બાદ એવું લાગી રહ્યું હતું કે લખનૌ મેચ હારી જશે. જોકે એવું ન થયું અને ટીમે છેલ્લા બોલ પર મેચ જીતી લીધી.
