Trending VIDEO / કચ્ચા બદામ તો જૂનું થઈ ગયું, સોશ્યલ મીડિયા પર ધમાલ મચાવી રહ્યા છે જામફળ વાળા કાકા

• જામફળવાળા કાકાનો વીડિયો થયો વાયરલ
• ગ્રાહકોને આકર્ષિત કરવા માટે અનોખુ ગીત ગાયુ
• યુઝર્સે કહ્યું, હવે જામફળ વેચતા ગીત પર લોકો ખૂબ નાચશે

જામફળ વેચતા કાકાનો વીડિયો વાયરલ 

ભુબન પશ્ચિમ બંગાળની શેરીઓમાં સાઈકલ પર ફરીને મગફળી વેચે છે. હવે એક જામફળવાળા કાકાનો વીડિયો વાયરલ થયો છે, જેમાં તેઓ જે રીતે જામફળ વેચી રહ્યાં છે, તે વેચવાની કલા પર પ્રશંસકો તેના દીવાના બની ગયા છે. જામફળ વેચનારા કાકાનો આ વીડિયો 27 સેકન્ડનો છે, જેમાં તેઓ ગ્રાહકોને આકર્ષિત કરવા માટે અનોખુ ગીત ગાઈ રહ્યાં છે. તેમનો આ અંદાજ લોકોને ખૂબ પસંદ આવી રહ્યો છે, જેના કારણે આ ક્લિપ સોશિયલ મીડિયાના અલગ-અલગ પ્લેટફોર્મ પર શેર કરાઈ રહી છે. મોટાભાગના લોકો કાકાની તુલના ભુબન બાદાયકર સાથે કરી રહ્યાં છે. જો કે, હજી સુધી તેની પુષ્ટિ થઇ નથી કે આ કાકા કોણ છે અને કયા રહે છે?

યુઝર્સે કહ્યું, આ ગીત પણ ઈન્ટરનેટ પર છવાશે

તમે જોઇ શકો છો કે એક કાકા લારી પર જામફળ વેચી રહ્યાં છે. તે ગ્રાહકોને આકર્ષિત કરવા માટે સારું ગીત ગાય છે. જેના બોલ છે, આ લીલી લીલી, પીળી પીળી, કાચી કાચી, પાક્કી પાક્કી, મીઠી મીઠી, તાજા તાજ નમક લગા કે ખાજ ખાજા... તેઓ આ શબ્દોને જે રીતે ગાઇ રહ્યાં છે તે રીતે લોકોને ઈન્સ્ટાગ્રામ રીલ મટેરિયલ લાગી રહ્યું છે. ઘણા લોકોએ લખ્યું કે આ કાકાનુ ગીત પણ કચ્ચા બદામની જેમ ઈન્ટરનેટ પર છવાઈ જશે. જ્યારે અમુક લોકોએ કહ્યું કે હવે જામફળ વેચતા ગીત પર લોકો ખૂબ નાચશે.