બ્રેકિંગ ન્યુઝ

logo

VTV / ગુજરાત / Politics / અન્ય જિલ્લા / AAP MLA Bhupat Bhayani's call to resignation sparked debate

VIDEO / 'હેલો, હાજી..હાજી..હા' બોલતા જ ભૂપત ભાયાણીએ ચાલુ વાતચીતે દોટ મૂકી, PAના ફોને જગાવી ચર્ચા

Priyakant

Last Updated: 03:17 PM, 13 December 2023

logo

FOLLOW ON

logo

શેર કરો

logo logo logo
article-logo

Bhupat Bhayani Latest News: રાજીનામાં પહેલા ભૂપત ભાયાણીના PAને ફોન આવ્યો અને મીડીયા સાથે વાતચીત દરમિયાન રવાના થયા ભૂપત ભાયાણી

  • આમ આદમી પાર્ટીના MLA ભૂપત ભાયાણીએ આપ્યું રાજીનામું 
  • રાજીનામાં પહેલા ભૂપત ભાયાણીને આવેલ ફોનથી જાગી ચર્ચા 
  • મીડીયા સાથે વાતચીત દરમિયાન ફોન આવ્યો અને રવાના થયા ભૂપત ભાયાણી
  • ભાયાણીને આવેલા ફોને જગાવી ચર્ચા, જી...જી...બોલીને ભાયાણી રવાના થયા

Bhupat Bhayani News : વિસાવદરથી AAPના ધારાસભ્ય ભૂપત ભાયાણીએ આજે આમ આદમી પાર્ટીના ધારાસભ્ય પદેથી રાજીનામું આપ્યું છે. ધારાસભ્ય ભૂપત ભાયાણીએ મીડિયા સાથે વાત કરતા જણાવ્યું કે, જીવન પર્યંત મેં ભાજપનું જ કામ કર્યું છે. ભાજપે મને ક્યારેય સસ્પેન્ડ કર્યો નથી. રાજનીતિમાં આવું બધુ ચાલતું જ હોય છે. આ દરમિયાન ભૂપત ભાયાણીના PAને ફોન આવ્યો હતો જેમાં ભૂપત ભાયાણીએ વાત કરી હતી. ભૂપત ભાયાણી ફોન પર જી..જી..બોલીને નકળી ગયા હતા. ભૂપત ભાયાણીના PAને આવેલા ફોને ચર્ચા જગાવી છે કે, આખરે કોના ફોન બાદ તેઓ તાત્કાલિક રવાના થયા હતા. 

આમ આદમી પાર્ટીના વિસાવદરના ધારાસભ્ય ભૂપત ભાયાણીએ વિધાનસભા અધ્યક્ષને રાજીનામું આપી દીધું છે. આ તરફ એવી ચર્ચા હતી કે, AAPના હજી બીજા 2 ધારાસભ્યો પણ રાજીનામું આપી શકે છે. જોકે હવે ગારીયાધાર AAP ધારાસભ્ય સુધીર વાઘાણીએ નિવેદન આપતા કહ્યું છે કે, હું AAP સાથે જ છું. ઉમેશ મકવાણાએ કહ્યું કે, ભાજપ વિપક્ષના ધારાસભ્યોને દબાવવાનુ કામ કરી રહી છે, ધારાસભ્યોને જેલમાં નાખી દેવાની ધમકી આપી રહ્યુ છે. 

કોણ છે ભૂપત ભાયાણી  ? 
આજે વિસાવદરના AAPના ધારાસભ્ય ભૂપેશ ભાયાણીએ વિધાનસભા અધ્યક્ષ શંકર ચૌધરીને રૂબરૂ મળી ધારાસભ્ય પદથી રાજીનામું આપ્યું છે. સૌરાષ્ટ્રની વિસાવદર બેઠક રાજ્યના પૂર્વ મુખ્યમંત્રી કેશુભાઈ પટેલની પરંપરાગત બેઠક ગણાતી હતી. કેશુભાઈ બાદ હર્ષદ રિબડિયા કોંગ્રેસની ટિકિટ પર બે વખત ધારાસભ્ય તરીકે ચૂંટાયા હતા. ગત ચૂંટણી પહેલા તેઓ કોંગ્રેસ છોડીને ભાજપમાં જોડાયા હતા પરંતુ AAPના ઉમેદવાર ભૂપત ભાયાણીએ તેમને લગભગ 7 હજારના માર્જીનથી હરાવ્યા હતા. ભાયાણી BJP ગોત્રના છે તેઓ બે વર્ષ પહેલા પાર્ટી છોડીને આમ આદમી પાર્ટીમાં જોડાયા હતા. આ પહેલા તેઓ સરપંચ પણ રહી ચુક્યા છે. 

ગુજરાતમાં ભૂપેન્દ્ર પટેલના નેતૃત્વમાં નવી સરકાર રચાય તે પહેલા પાર્ટીનો આંકડો 156થી વધીને 157 પર પહોંચે તે નિશ્ચિત છે. બીજી તરફ 3 અપક્ષ ધારાસભ્યો પણ ભાજપમાં જોડાવાની તૈયારી કરી રહ્યા છે.  ઉત્તર ગુજરાતના અરવલ્લી જિલ્લાની બાયડ બેઠક પરથી અપક્ષ ચૂંટણી જીતેલા ધવલસિંહ ઝાલા, વડોદરા જિલ્લાની વાઘોડિયા બેઠક પરથી અપક્ષ ધારાસભ્ય ધર્મેન્દ્ર ગોહિલ અને બનાસકાંઠાની ધાનેરા બેઠક પરથી અપક્ષ ચૂંટણી જીતેલા માવજીભાઈ દેસાઈ પણ ભાજપમાં જોડાવા માટે તૈયાર છે.  જો બધુ બરાબર રહેશે તો આગામી દિવસોમાં આ ત્રણ ધારાસભ્યો પણ ભાજપના પક્ષમાં આવશે. આ ત્રણેય પણ ભાજપના ગોત્રના હોવાથી ટિકિટ ન મળવાને કારણે બળવાખોર તરીકે ચૂંટણી લડીને ધારાસભ્ય બન્યા હતા.

સંકળાયેલા મુદ્દાઓ

Bhupat Bhayani News aap ધારાસભ્ય ભૂપેશ ભાયાણી ભૂપત ભાયાણી ભૂપત ભાયાણી ભાજપમાં જોડાશે Bhupat Bhayani News
background
logo

VTV Gujarati

WhatsApp Channel Invite

સબસ્ક્રાઇબ કરો

દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.

logo

સૌથી વધુ વંચાયેલું

ADVERTISEMENT

log

હોમ પેજ

log

બ્રેકિંગ ન્યુઝ

log

વીડિયોઝ

log

વેબ સ્ટોરીઝ

log

મેનુ