- માથાનો દુ:ખાવો આજે સામાન્ય સમસ્યા બની ગઈ છે
- ફુદીનામાં ઘણા ઔષધીય ગુણો છે
- સફરજનનાં સેવનથી તમારા માથાનો દુ:ખાવો દૂર થઈ શકે છે
માથાનો દુ:ખાવો આજે એક સામાન્ય સમસ્યા બની ગઈ છે. માથાના દુ:ખાવાના અલગ-અલગ કારણો હોય શકે છે. ઘણા લોકો આ સ્થિતિમાં દુખાવાની દવાનું સેવન કરે છે. આમ તો આ કોઈ ચિંતાની વાત નથી પણ વારંવાર આ દવાનું સેવન કરવામાં આવે તો તેનાથી સ્વાસ્થ્યને નુકસાન થઈ શકે છે. આ દવાની ઘણી આડઅસર હોય છે. તમે માથાના દુ:ખાવાથી રાહત મેળવવા માટે ઘરેલુ ઉપાય કરી શકો છો. તેનાથી સરળતાથી તમારા માથાનો દુ:ખાવો દૂર થઈ જશે અને તમને કોઈ નુકસાન પણ નહીં થાય.
માથાનો દુ:ખાવો દૂર કરવા માટે આ ઘરેલુ ઉપાય અપનાવો
આદું અને તુલસીનો રસ
તમને માથાનાં દુ:ખાવાની સમસ્યા હોય તો તમારે આદું અને તુલસીનાં રસનો ઉપયોગ કરવો જોઈએ. તેના માટે 10-15 તુલસીનાં પાન અને થોડું આદું લો. હવે તેને પીસી લો. તેમાંથી જે રસ નીકળે તેને માથા પર લગાવો. થોડા સમયમાં તમારા માથાનો દુ:ખાવો દૂર થઈ જશે.
ફુદીના રસ
ફુદીનામાં ઘણા ઔષધીય ગુણો છે. જો તમે માથાના દુ:ખાવાથી છુટકારો મેળવવા માંગતા હોય તો તમારે ફુદીનાનાં પાનનો રસ માથા પર લગાવવો જોઈએ. થોડી જ વારમાં તમારા માથાનો દુ:ખાવો દૂર થઈ જશે.
સફરજનનું સેવન
સફરજનનાં સેવનથી તમારા માથાનો દુ:ખાવો દૂર થઈ શકે છે. તમારે 1 સફરજનમાં મીઠું લગાવી તેનું સેવન કરવું જોઈએ. થોડી વારમાં તમારા માથાનો દુ:ખાવો દૂર થઈ જશે.
વાંચવા જેવું: વારેઘડિયે ઊડી જાય છે ઊંઘ? આજથી જ કરો આ 5 કામ, નહીં પડે કોઈ દવાની જરૂર
બદામ
માથાના દુ:ખાવાથી છુટકારો મેળવવા માટે તમે બદામનું સેવન પણ કરી શકો છો. જો તમે 5-7 બદામ ચાવીને ખાવ છો તો તેનાથી તમારા માથાનો દુ:ખાવો દૂર થઈ જશે.
એપલ વિનેગર
રાત્રે વધુ દારૂનું સેવન થઈ ગયું હોય અને બીજા દિવસે માથાનો દુ:ખાવો થતો હોય તો આ સ્થિતિમાં તમારે એપલ વિનેગરનો ઉપયોગ કરવો જોઈએ. એક ગ્લાસ પાણીમાં 1-2 ચમચી એપલ વિનેગર ઉમેરો, આ સાથે 1 ચમચી મધ અને 1-2 ટીપાં લીંબુનો રસ ઉમેરો. હવે તેને મિક્સ કરી તેનું સેવન કરો. તેનાથી માથાના દુ:ખાવામાં રાહત મળશે.
