- ગુજરાત કોંગ્રેસના સંગઠન માટે દિલ્લીમાં મંથન
- લોકસભા ચૂંટણી પહેલા ગુજરાતના સંગઠનમાં થશે ફેરબદલ
- આજે બીજા દિવસે પણ કેન્દ્રીય નેતૃત્વ સાથે થશે બેઠક
- પ્રદેશ પ્રમુખ શક્તિસિંહ ગોહિલ અને અમિત ચાવડા બેઠકમાં રહેશે હાજર
- AICC મહાસચિવ અને પ્રદેશ પ્રભારી મુકુલ વાસનિક સાથે કરશે બેઠક
Gujarat Congress News : ગુજરાત કોંગ્રેસના સંગઠન માટે દિલ્લીમાં સતત બીજા દિવસે મંથન ચાલી રહ્યું છે. વાત જાણે એમ છે કે, લોકસભા ચૂંટણી પહેલા ગુજરાતના સંગઠનમાં મોટા ફેરબદલ થઈ શકે છે. જેને ગઈકાલે ગુજરાત કોંગ્રેસના નેતાઓની બેઠક બાદ આજે સતત બીજા દિવસે પણ કેંદ્રીય નેતૃત્વ સાથે બેઠકનું આયોજન કરાયું છે. મહત્વનું છે કે, આ બેઠકમાં પ્રદેશ પ્રમુખ શક્તિસિંહ ગોહિલ અને અમિત ચાવડા હાજર રહેશે. AICC મહાસચિવ અને પ્રદેશ પ્રભારી મુકુલ વાસનિક સાથે બેઠક બાદ હવે દિવાળી પહેલા મોટી જાહેરાત થઈ શકે છે.
દિલ્હીમાં બેઠકોનો દોર યથાવત
લોકસભા ચૂંટણી પહેલા ગુજરાત કોંગ્રેસના નેતાઓ અને કેન્દ્રીય નેતૃત્વ વચ્ચે બેઠકોનો દોર શરૂ થઈ ગયો છે. ગઈકાલે દિલ્હીમાં AICC મહાસચિવ અને પ્રદેશ પ્રભારી મુકુલ વાસનિક સાથે પ્રદેશ પ્રમુખ શક્તિસિંહ ગોહિલ અને અમિત ચાવડાની સંગઠનના માળખાને લઈ બેઠક થઈ હતી. જોકે આજે ફરી એકવાર કેંદ્રીય નેતૃત્વ સાથે બેઠકનું આયોજન કરાયું છે. મહત્વનું છે કે, ટૂંક સમાયમાં જ ટીમ શક્તિસિંહ અને જિલ્લા-તાલુકા પ્રમુખોની નિમણૂંકો થશેતો નિષ્ક્રિય નેતાઓને બહારનો રસ્તો બતાવાશે. વિગતો મુજબ સંગઠનમાં યુવા અને સક્રિય કાર્યકર્તાઓને પ્રાધાન્ય અપાશે.
તો શું દિવાળી પછી કોંગ્રેસ સંગઠનમાં થશે ફેરફાર ?
આ તરફ હવે બેઠક બાદ સંભવિત રીતે લોકસભા ચૂંટણી પહેલા એટલે કે હવે દિવાળી પછી તુરંત ગુજરાત કોંગ્રેસના માળખામાં મોટો ફેરફાર થઈ શકે છે. ગઈકાલે કોંગ્રેસ નેતાઓની દિલ્લીમાં બેઠકમાં ગુજરાત સંગઠનના માળખા અંગે પ્રભારી સાથે ચર્ચા કરવામાં આવી હતી. જે બાદમાં આજે પણ વધુ એક બેઠકનું આયોજન કરાયું છે. આ તરફ હવે જિલ્લા અને તાલુકા પ્રમુખો સાથે બેઠક યોજ્યા બાદ નવા માળખા અંગે ચર્ચા થશે. જેને લઈ હવે દિવાળી બાદ ગુજરાત કોંગ્રેસના નવા સંગઠનની જાહેરાતના એંધાણ જોવા મળી રહ્યા છે. જોકે એક ચર્ચા એવી પણ છે કે, સંગઠનમાં નિષ્ક્રિય નેતાઓને દૂર કરવામાં આવશે.
