VIDEO / હમ હોંગે કામિયાબ! બોમ્બમારા વચ્ચે યુક્રેનની બાળકીએ ગાયું 'જુસ્સો' વધારતું ગીત, VIDEO જોઈને તમે પણ થઈ જશો ભાવુક

• યુદ્ધ વચ્ચે વાયરલ થયું બાળકીનું આશાભર્યું ગીત 
• શેલ્ટરમાં છુપાયેલ છે આ બાળકી 
• બાળકીનાં ગીત પર દુનિયા થઇ ભાવુક 

યુદ્ધ વચ્ચે વાયરલ થયું બાળકીનું આશાભર્યું ગીત

રશિયા અને યુક્રેનનું યુદ્ધ દુનિયાભર માટે ચિંતાનો વિષય છે. રોજ ખરાબ સમાચાર મળી રહ્યા છે. લોકો મરી રહ્યા છે, પોતાનું શહેર, પોતાના ઘર પણ છોડી રહ્યા છે. આ વચ્ચે ઘણા વીડિયો એવા પણ આવી રહ્યા છે જેમાં હુમલાઓ જોવા મળી રહ્યા છે, ક્યાંક કોઈ હેલીકોપ્ટરને ઉડાવી દેવામાં આવી રહ્યું છે, ક્યાંક કોઈ પત્રકાર ગોળીઓ વચ્ચે ઝઝૂમતો જોવા મળે છે. આવામાં એક બાળકીનો વીડિયો સામે આવ્યો છે. આ બાળકીએ એક આશાનું ગીત ગયું છે જે દુનિયાને ખૂબ જ પસંદ આવી રહ્યું છે અને દુનિયા ભાવુક પણ થઇ રહી છે. 

શેલ્ટરમાં છુપાયેલ છે આ બાળકી 
આ બાળકીએ મશહૂર ગીત 'Let It Go' ગાયું છે. આ એક એનીમેટેડ ફિલ્મ Frozenનું ગીત છે. આ વીડિયોમાં બાળકી અને તેનો પરિવાર પોતાનો જીવ બચાવવા માટે એક શેલ્ટરમાં છુપાયેલા જોવા મળે છે. તેમની આસપાસ બીજા પણ લોકો હાજર છે. આ બાળકીનું નામ Amelia કહેવામાં આવી રહ્યું છે. પહેલા આ વીડિયોને Marta Smekhovaએ પોતાની ફેસબુક પર શેર કર્યો હતો. તેમણે જણાવ્યું હતું કે તેમણે બાળકીની માતાની મંજૂરીથી આ વીડિયો શેર કર્યો છે. જણાવી દઈએ કે આ વીડિયોને 10 લાખથી વધારે વ્યૂઝ મળી ચુક્યા છે. 

Little girl singing "Let it go" in a shelter#UkraineRussianWar #Ukraine #UkraineUnderAttack pic.twitter.com/6gfcUoiwJJ

— Ankita Jain (@Ankita20200) March 6, 2022

બાળકીનાં ગીત પર દુનિયા થઇ ભાવુક 

આ વીડિયોમાં જોઈ શકાય છે કે ક્યા પ્રકારે આસપાસ લોકો એક બંકરમાં બેઠા છે. બાળકોના રડવાના અવાજ આવી રહ્યા છે પરંતુ જેમ આ બાળકી ગીત ગાય છે, બાળકો પણ શાંત થઇ જાય છે. લોકોને આ વીડિયો ખૂબ જ પસંદ પડી રહ્યો છે. જ્યારે લોકોએ પૂછ્યું કે આ વીડિયો ક્યા શૂટ કરવામાં આવ્યો તો અમુક લોકોએ કહ્યું કે આ જાણકારી તેમને ખતરામાં મૂકી શકે છે.