- જામનગરમાં બોરમાં પડી જતા બાળકીના મોત મામલો
- મૃતક બાળકીના પિતાએ વાડીના માલિક સામે નોંધાવી ફરિયાદ
- તમાચાણમાં અઢી વર્ષની બાળકી રમતા રમતા બોરમાં પડી ગઈ હતી
જામનગર જિલ્લાના તમાચણ ગામે પાણીના બોરમા અઢી વર્ષની બાળકી ફસાઈ ગયાની ઘટનાને લઈને દોડધામ મચી જવા પામી હતી. આ પ્રકરણમાં વાડી માલિક સામે માનવવધનો ગુન્હો નોંધાયો છે. 20 કલાકના રેસ્ક્યુ ઓપરેશન બાદ બાળકીનો મૃતદેહ મળી આવ્યો હતો. આ પ્રકરણમાં વાડી માલીક વિરૂધ્ધ પંચ એ ડિવિઝન પોલિસ મથકમાં ગુન્હો નોધવામાં આવ્યો છે. જેની અટકાયત પણ કરી લેવાઈ છે.
બાળકીની થયું છે મોત
તમાચણ ગામની સીમમાં આવેલ ચંદુભાઈ ગોવિંદભાઇ ગોહેલ (રહે રાજકોટ મુળ વતન તમાચણ)ની ખેતીની જમીનમા ખેત મજુરીકામ કરતા લાલુભાઇ મલસિંગ વસ્કલા (રહે. હાલ તમાચણ ગામ ચંદુભાઇ ગોવિંદભાઇ ગોહેલની વાડીમાં મૂળ મધ્ય પ્રદેશ) પોતાના પરીવાર સાથે વાડીમા રહી ખેતમજુરી કામ કરતા હતા.આ દરમિયાન ગત. તા. ૦૩/૦૬/૨૦૩ ને શનિવારે સાડા નવેક વાગ્યેના સુમારે વાડીમાં મજુરી કરતા હોય તે વખતે પોતાની અઢી વર્ષની દિકરી રોશની ખુલ્લા પાણીના બોર પાસે રમતી રમતી પડી ગઈ હતી. જેનો રાડવાનો અવાજ સાંભળી પરિવારજનોને જાણ થઈ હતી. આથી તેના માતા પિતાના પગ તળેથી જમીન સરકી ગઇ હતી.
20 કલાક ચાલ્યું હતું રેસ્ક્યુ
બાદમાં NDRF અને આર્મી થતા ફાયરની ટીમને જાણ કરતા તમામ ટીમ દોડી આવી હતી. જ્યાઆધુનિક સાધનો વળે તપાસ બાદ બાળકી 30 થી 40 ફૂટ સુધી ફસાઈ હોવાનું જાણવા મળ્યું હતું. જેથી તંત્ર દ્વારા ક્ષણભરનો વિલંબ કર્યા વગર જેસીબી મારફતે ખોદકામ હાથ ધરવામાં આવ્યું હતુ. આમ લગભગ 20 કલાક તમામ ટીમ દ્વારા સતત રેસ્ક્યુ કરવામાં આવ્યું હતું. પરંતુ બાળકીનો મૃતદેહ જ બહાર આવ્યો હતો. બાદમાં બાળકીના પિતા લાલુભાઇ મલસિંગ વસ્કલાની ફરિયાદને આધારે પોલીસે વાડી માલિક ચંદુભાઇ ગોવીંદભાઇ ગોહીલ (રહે રાજકોટ પ્રાયણીનગર ખીજડા વાડો વિશ્વનગર કોરી નં-૯ ના ખુણે વડી કૃપા રાજકોટ મુળ રહે. તમાચણ) સામે ગુન્હો નોંધ્યો છે. ચંદુભાઇએ વાડીમાં પાણીનો બોર કરાવેલ હોય જે પાણીનો બોર ઘણો જુનો હોય અને બીન વપરાશી હોય અને આ પાણીના બોરમાં કોઇ પડી જવાથી મૃત્યુ થઇ શકે તેમ હોય તેવું જાણવા છતા પાણીના બોરી ખુલ્લો રાખી મુકી દેતા જામનગર પંચકોષી એ ડીવીઝનમાં કલમ 304 મુજબ માનવ વધનો ગુન્હો દાખલ કરવામાં આવેલ છે. અને ચંદુભાઈની અટકાયત કરી કાયદેસરની કાર્યવાહી હાથ ધરવામાં આવી છે.
