મહેસાણા / તરભ વાળીનાથ ધામ: 2 લાખ ડાયમંડ ધરાવતું ઝુંમર બન્યું આકર્ષણ, મંદિરના ગર્ભગૃહમાં 12 જ્યોતિર્લિંગ

રબારી સમાજની આસ્થાનું કેન્દ્ર એવા તરભ વાળીનાથ ધામમાં પ્રાણ પ્રતિષ્ઠાનો ચોથો દિવસ છે. સમગ્ર મંદિરને ફૂલોથી શણગારવામાં આવ્યું છે. તો સાથે જ પરિસરમાં વિશાળ ઝૂમ્મર લગાવાયા છે. 400 કિલોથી વધુ વજન ધરાવતા આ ઝૂંમરની લંબાઈ 18 ફૂટ છે. અને 2 લાખથી વધુ ક્રિસ્ટલ અને ડાયમંડથી તૈયાર કરવામાં આવ્યું છે. તો મંદિરના ગર્ભગૃહમાં 12 જ્યોતિર્લિંગ કોતરવામાં આવ્યા છે. મહત્વનું છે કે 22 ફેબ્રુઆરીએ પ્રધાનમંત્રી મોદી દ્વારા પ્રાણ પ્રતિષ્ઠા કરવામાં આવશે.

અમારા સમાજ પર વાળીનાથ ભગવાનની કૃપા છેઃ ગફુરભાઈ દેસાઈ (શ્રદ્ધાળુ)
આ બાબતે શ્રદ્ધાળુ ગફુરભાઈ દેસાઈએ જણાવ્યું હતું કે,  ભગવાન વાળીનાથની બધા પર બહુ કૃપા છે. લાખોની મેદની ભગવાન વાળીનાથનાં દર્શન કરવા ઉમટી છે.  અમારા પૂજ્ય બળદેવગીરી બાપુ ખૂબ ખુશ થઈ હશે.  અમારા સમાજ પર વાળીનાથ ભગવાનની કૃપા છે. 

વધુ વાંચોઃ હવે સિવિલ હોસ્પિટલમાં એક વિભાગમાંથી બીજામાં નહીં ખાવા પડે ધક્કા: મોબાઈલ એપથી થઈ રહ્યું છે કામ

મેનેજમેન્ટ ખૂબ જ સરસ કરવામાં આવ્યું છેઃ જ્યોત્સનાબેન (શ્રદ્ધાળુ)
શ્રદ્ધાળુ જ્યોત્સના બેન દેસાઈએ કહ્યું હતું કે, અમારી અહીંયા ખૂબ જ શ્રદ્ધા છે. તેમજ અમને અહીંયા આવીને ખૂબ જ આનંદ થયો છે. અને અહીંયાની સગવડ જોઈને પણ વધારે આનંદ થયો છે. અહીંયાની સગવડ જોઈને એવું લાગે છે કે કોઈ પણ વ્યક્તિને કોઈ તકલીફ પડે એવું નથી. તેમજ વાળીનાથ ભગવાનનાં ખૂબ જ સારા દર્શન પણ થયા.  નાના બાળકો માટે ઘોડિયા પણ મુકેલા છે.  મેનેજમેન્ટ ખૂબ જ સારૂ કરવામાં આવ્યું છે.  તેમજ મોટા લોકો માટે પણ અલગ અલગ બધી જ સગવડ કરવામાં આવેલી છે. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો