વડોદરા / હોકી સ્ટિકથી ફટકા મારીને ભાજપ કાર્યકરની હત્યા મામલે નવો ખુલાસો: આ નામચીન વ્યક્તિના દીકરો મુખ્ય આરોપી, ત્રણની ધરપકડ

 

• ભાજપના કાર્યકર સચિન ઠક્કરની હત્યાનો મામલો
• ગઈકાલે હત્યા સમયનો વીડિયો થયો હતો વાયરલ
• સચિન ઠક્કરની પાર્થ પરીખે હત્યા કરાવી હોવાની ચર્ચા

વડોદરામાં ભાજપના કાર્યકર સચિન ઠક્કરની હત્યા મામલે મોટો ખુલાસો થયો છે. સચિન ઠક્કરની હત્યામાં નામચીન બાબુલ પરીખના પુત્ર પાર્થ પરીખનો હાથ હોવાનું સામે આવ્યું છે. પાર્થ પરીખે જ સચિન ઠક્કરની હત્યા કરાવી હોવાનું સામે આવ્યું છે. હાલ ગોત્રી પોલીસે 3 આરોપીની ધરપકડ કરી છે. મહત્વનું છે કે, વાસિક અજમેરી અને વિકાસ લોહાણાએ બેઝબોલ સ્ટીક અને હોકીથી સચિન ઠક્કર અને તેના ભાઈ પ્રિતેશ ઠક્કર પર હુમલો કર્યો હતો. 

શું બની હતી સમગ્ર ઘટના?
વડોદરા શહેર ભાજપના સક્રિય કાર્યકર સચિન ઠક્કર અને તેના પિતરાઈ ભાઈ પ્રિતેશ ઠક્કર પર ત્રણ દિવસ પહેલાં રાત્રિના સમયે બે શખ્સોએ હુમલો કર્યો હતો. બે શખ્સોએ બંને ભાઈ પર બેઝબોલ સ્ટીક અને હોકીથી હુમલો કર્યો હતો. જેથી તેઓને તાત્કાલિક સારવાર અર્થે ગોત્રી જનરલ હોસ્પિટલમાં ખસેડાયા હતા. બંનેને માથાના ભાગે ગંભીર ઈજાઓ થઈ હોવાથી સારવાર અર્થે ખાનગી હોસ્પિટલમાં લઈ જવાયા હતા. જ્યાં સારવાર દરમિયાન સચિન ઠક્કરનું મોત નિપજ્યું હતું. 

વીડિયો પણ થયો હતો વાયરલ 
જે બાદ મૃતકના રીમાબેન સચિનભાઈ ઠક્કરે ગોત્રી પોલીસ સ્ટેશનમાં ફરિયાદ નોંધાવી હતી. આ હુમલાનો વીડિયો પણ સોશિયલ મીડિયા પર વાયરલ થયો હતો. જેના આધારે પોલીસે તપાસ હાથ ધરી હતી. પોલીસ તપાસમાં સચિન ઠક્કર અને તેના પિતરાઈ ભાઈ પ્રિતેશ ઠક્કર પર વાસિક અજમેરી અને વિકાસ લોહાણાએ હુમલો કર્યો હોવાનું સામે આવ્યું હતું. જે બાદ બંનેની ધરપકડ કરવામાં આવી હતી. જેઓની પૂછપરછમાં બાબુલ પરીખના પુત્ર પાર્થ પરીખનું નામ ખુલ્યું હતું.

માથાના ભાગે ઉપરાછાપરી માર્યા 23 લાકડીના ફટકા, વડોદરામાં ભાજપ કાર્યકર પર હુમલાનો કથિત વીડિયો વાયરલ..#Vadodara #BJP #ViralVideo #VTVGujarati pic.twitter.com/H73CuzqzOt

— VTV Gujarati News and Beyond (@VtvGujarati) July 28, 2023

ગોત્રી પોલીસે ત્રણેય આરોપીની ધરપકડ કરી
વાહન પાર્કિંગની જૂની અદાવતમાં તેઓ ભાજપના સક્રિય કાર્યકર સચિન ઠક્કર અને પ્રતિશે છક્કર પર હુમલો કર્યો હોવાનું સામે આવ્યું હતું. હાલ ગોત્રી પોલીસે ત્રણેય આરોપીની ધરપકડ કરીને પૂછપરછ શરૂ કરી છે.