- ફરીદાબાદમાં બની બે અલગ અલગ ઘટનાઓ
- બે અલગ અલગ સોસાયટીમાં બંધ પડી લિફ્ટ
- બે બાળકો લિફ્ટમાં કલાકો સુધી રહ્યા બંધ
ફરીદાબાદમાં બે અલગ અલગ રેસીડેન્શિયલ સોસાયટીઝમાં બે દિવસની અંદર લિફ્ટ બંધ થવાના કેસ સામે આવ્યા છે. બન્ને કેસમાં બે બાળકો લિફ્ટમાં અંદર કલાકો સુધી બંધ રહ્યા. જોકે લિફ્ટમાં બંધ એક બાળકે ઘભરાયા વગર પોતાની હિંમત બતાવી હતી. તેણે પોતાનું ધ્યાન બીજી તરફ દોરવા માટે બંધ લિફ્ટમાં બેસીને હોમવર્ક પણ કરી નાખ્યું.
ફરીદાબાદના ઓમેક્સ રેસીડેન્સી સોસાયટીમાં શનિવારે સાંજે એક 8 વર્ષનો બાળક લગભગ અઢી કલાક સુધી લિફ્ટમાં ફસાયેલો રહ્યો. બાળકો જરા પણ ગભરાયા વગર પરિસ્થિતિનો સામનો હિંમતથી કર્યો અને લિફ્ટમાં આરામથી બેસીને પોતાની સ્કૂલ અને ટ્યૂશનું હોમવર્ક પુરૂ કરી દીધી.
શું છે સમગ્ર મામલો?
જાણકારી અનુસાર ગૌરવાન્વિત સાંજે 5 વાગ્યે ટ્યુશન માટે 5માં માળથી લિફ્ટ દ્વારા નીચે ગયો હતો. તે 6 વાગ્યા સુધી ટ્યુશનથી પાછો આવી જાય છે. પરંતુ જ્યારે સાંજે 7 વાગ્યા સુધી ન આવ્યો તો પરિવારના લોકોએ ટ્યુશનમાં ફોન કરી તેના વિશે પુછ્યું. ત્યાં ખબર પડી કે તે ટ્યુશન જ નથી ગયો.
ત્યાર બાદ પરિવારે તેની શોધ શરૂ કરી. ત્યાર બાદ જાણકારી મળી કે લિફ્ટ 5 વાગ્યાથી બંધ છે. પરિવારના લોકોને શંકા ગઈ કે તેમનું બાળક લિફ્ટમાં ફસાયું હોઈ શકે છે. તરક લિફ્ટ મેનેજમેન્ટને આ વિશે જાણકારી આપવામાં આવી. જેના બાદ લિફ્ટને ખોલવામાં આવી તો ગૌરવાન્વિત અંદર જ હાજર હતો.
3 કલાક સુધી બંધ રહી લિફ્ટ
બાળકનો પરિવાર એ વાતથી ખૂબ નારાજ થયો કે લિફ્ટ 3 કલાક બંધ રહી. પરંતુ કોઈએ એવું જાણવાનો પ્રયત્ન ન કર્યો કે લિફ્ટની અંદર કોઈ બંધ તો નથી. જોકે બાળકનું કહેવું છે કે તેણે જોરથી બુમો પણ પાડી અને ઈમરજન્સી બટન પણ દબાવ્યું. પરંતુ કોઈ પણ મદદ માટે ન આવ્યું. બાળકે જણાવ્યું કે તેણે પોતાનું ધ્યાન બીજી તરફ દોરવા માટે લિફ્ટમાં જ હોમવર્ક કરવાનું શરૂ કરી દીધુ હતું.
બીજી ઘટના પણ ફરીદાબાદની જ
બીજી ઘટના પણ ફરીદાબાદના એસઆરએસ રેસીડેન્શિયલ સોસાયટીની છે. સોસાયટીના C7 ટાવરમાં રહેતા વિકાસ શ્રાવાસ્તવે જણાવ્યું કે તેમની 11 વર્ષની દિકરી સ્નેહા, જે છઠ્ઠા ધોરણમાં ભણે છે તે રવિવારે સાંજે લિફ્ટમાં ફસાઈ ગઈ હતી. બાળકીના પિતાએ જણાવ્યું કે તે દરરોજ બપોરે 3 વાગ્યે ટ્યુશન જાય છે અને 5.45 વાગ્યે આવી જાય છે. પરંતુ તે મોડા સુધી પાછી ન આવતા ઘટનાની જાણ થઈ.
