- શરીરમાં લાલ રક્તકણોની ઉણપ હોય ત્યારે એનિમિયા થાય છે
- જેના કારણે શરીરના આ ભાગોમાં દુ:ખાવો થાય છે
- ઊંઘની ખોટી રીત પણ તમારા શરીરમાં પીડા પેદા કરી શકે છે
શું તમે આખી રાત પૂરતી ઊંઘ લીધા પછી પણ સવારે ઉઠતાં વેત જ તમારા શરીરમાં દુ:ખાવો અનુભવો છો? જો તમે સવારે ઉઠો ત્યારે તમારું શરીર વારંવાર દુખે છે, તો તે તમારા સ્વાસ્થ્ય માટે સારો સંકેત નથી. આ 5 કારણોથી તમે સવારે ઉઠો ત્યારે તમારા શરીરમાં દુ:ખાવો થઈ શકે છે.
સવારે ઉઠતાં વેત જ શરીરમાં દુ:ખાવો થવાનાં 5 કારણો
વિટામિન D ની ઉણપ
જ્યારે તમારા શરીરમાં વિટામિન D ની ઉણપ હોય છે ત્યારે તમારા શરીરમાં કેલ્શિયમનું સ્તર ઘટી જાય છે. શરીરના ઘણા મહત્વપૂર્ણ અંગો, જેમ કે કિડની અને સ્નાયુઓ, યોગ્ય રીતે કામ કરવા માટે કેલ્શિયમ પર આધાર રાખે છે. હાડકાંને મજબૂત અને સ્વસ્થ રાખવા માટે કેલ્શિયમ જરૂરી છે. વિટામિન D ની ઉણપને કારણે કેલ્શિયમ તમારા શરીરમાં શોષાતુ નથી. તેથી જ્યારે તમે સવારે ઉઠો છો ત્યારે તમને તમારા હાડકામાં દુ:ખાવો થઈ શકે છે.
એનિમિયા
જ્યારે તમારા શરીરમાં લાલ રક્તકણોની ઉણપ હોય ત્યારે એનિમિયા થાય છે. જેના કારણે તમારા શરીરની પેશીઓને પૂરતું ઓક્સિજન મળતું નથી. એનિમિયાના કારણે તમારા શરીરના ઘણા ભાગોને યોગ્ય રીતે ઓક્સિજન મળતું નથી. તેથી સવારે ઉઠ્યા પછી પણ તમારું શરીર થાકેલું રહે છે અને તમને સતત દુ:ખાવો થાય છે. એનિમિયામાં આ કેટલાક સામાન્ય લક્ષણો છે, જેમ કે થાક, વધતા ધબકારા, ચક્કર, માથાનો દુ:ખાવો અથવા છાતીમાં દુ:ખાવો, ઠંડા હાથ અને પગ.
વધારે વજન હોવું
વધુ પડતું વજન તમારી પીઠ અને ગરદન પર દબાણ લાવે છે. જેના કારણે શરીરના કેટલાક ભાગોમાં દુ:ખાવો થાય છે. વધારે વજનને કારણે ઊંઘ દરમિયાન શ્વાસ સંબંધિત બીમારીઓ પણ થઈ શકે છે. જેના કારણે ઊંઘ ન આવવાની સમસ્યા થઈ શકે છે. આ કારણે, જ્યારે તમે સવારે ઉઠો છો ત્યારે તમે તમારા શરીરમાં દુ:ખાવો અનુભવી શકો છો.
વાંચવા જેવું: ભોજનમાં વધુ પડતું મીઠું બગાડી દેશે સેક્સ લાઈફનો સ્વાદ! આ 6 ચીજો બરબાદ કરી નાંખે છે યૌન જીવન
નબળી ગુણવત્તાનું ગાદલું
નબળી ગુણવત્તાનાં ગાદલાં પર સૂવાથી પીડા થઈ શકે છે. આ તમારા શરીરમાં દુ:ખાવો થવાનું એક મુખ્ય કારણ છે.
ઊંઘવાની ખોટી રીત
ઊંઘની ખોટી રીત પણ તમારા શરીરમાં પીડા પેદા કરી શકે છે. સામાન્ય રીતે, મોટાભાગના લોકો માટે બાજુની ઊંઘ શ્રેષ્ઠ છે. ખાસ કરીને જેઓ ઊંઘમાં શ્વાસ લેવાની બીમારી જેમ કે અવરોધક સ્લીપ એપનિયાથી પીડાય છે.
