દુઃખદ / પરિવાર શોકમાં : ભાવનગરમાં 4 માસની બાળકીને શ્વાને ફાડી નાંખી તો બનાસકાંઠામાં ઝેરી જાનવરે ડંખ મારતા બાળકનું મોત

• ભાવનગરમાં શ્વાને બાળકી પર કર્યો હુમલો
• બનાસકાંઠામાં ઝેરી જાનવરે ડંખ મારતા બાળકનું મોત
• પરિવારજનોમાં ભારે દુઃખની લાગણી 

એક તરફ ગુજરાતમાં રખડતા ઢોરોનો ત્રાસ તો બીજી તરફ જંગલી પ્રાણીઓ પણ રહેણાંક વિસ્તારમાં આવી ચઢે છે. જો કે જંગલ એરિયા નજીક હોય તેવા વિસ્તારોમાં ખાસ જંગલી જાનવરો આતંક માચવે છે. જો કે શેરીમાં રખડતા શ્વાન પણ ઘણીવાર આતંક મચાવે છે. ત્યારે ભાવનગરમાં પણ એક આવી જ ઘટના બની..

4માસની બાળકીને શ્નાને ફાડી ખાધી

ભાવનગરમાં 4 માસની બાળકી ઘોડિયામાં સૂઇ રહી હતી. તે દરમિયાન એકાએક જ શ્વાને હુમલો કર્યો. શ્વાનના ચુંગાલમાં આવેલી કુમળી ફુલ જેવી બાળકીનું મોત નીપજ્યું છે. બાળકીને સારવાર દરમિયાન પણ બચાવી ન શકાઇ. ઘટનાને પગલે  પરિવારજનોમાં શોકની લાગણી ફરી વળી છે. એક તરફ ઘરમાં દિકરી આવ્યાની ખુશી હતી જે પળવારમાં જ માતમમાં ફેરવાઇ ગઇ. માતા પિતા દિકરીના મોતને પગલે ભારે દુઃખમાં ગરકાવ થયા છે. મહત્વનું છે કે ઘરમાં બાળકની તકેદારી રાખવી અનિવાર્ય થઇ પડે છે પરંતુ ક્યાંક પરિવારની બેદરકારીને કારણે આવી ઘટનાઓ પણ પ્રકાશમાં આવે છે.

ઝેરી જાનવરે ડંખ મારતા બાળકનું મોત 

તો આ તરફ બનાસકાંઠામાં ઝેરી જાનવરે ડંખ મારતા બાળકનું મોત નીપજ્યુ છે. કાંકરેજના જોટાણા ગામે આ ઘટના બની. વિજય ઇશ્વર ઠાકોર નામના બાળકને ઝેરી સાપે ડંખ મારતા મોત નીપજ્યું છે. બાળકને સારવાર માટે હોસ્પિટલ પણ લઇ જવાયો પરંતુ તે પહેલા જ તે મોતને ભેટ્યો. ઘટનાને પગલે પરિવાર અને ગ્રામજનોમાં શોકની લાગણી જોવા મળી રહી છે. મહત્વનું છે કે વરસાદી સિઝનને કારણે હાલમાં જીવજંતુઓ વધુ બહાર આવતા જોવા મળે છે. તેમાં પણ ગામડામાં ખાસ જીવાત અને ઝેરી જાનવરો નીકળતા હોય તેવું સામે આવે છે.