સાબરકાંઠા / ઈડર ગઢ આરોહણ સ્પર્ધામાં સ્ટ્રેચરની વ્યવસ્થા નહીં, ઘાયલ સ્પર્ધકોને પોલીસ જવાનો ખુરશીમાં બેસાડી તળેટી સુધી લાવ્યા

• ઈડરિયા ગઢ આરોહ-અવરોહણ સ્પર્ધામાં દૂર્ઘટના
• 4 સ્પર્ધકો પડી જતાં થયા ઈજાગ્રસ્ત
• સ્પર્ધકો પડી જતાં સારવાર માટે કોઈ વ્યવસ્થા નહી

સાબરકાંઠાના ઈડરમાં ઈડરિયા ગઢ આરોહ અવરોહણ સ્પર્ધામાં દૂર્ઘટના ઘટી હતી. જેમાં 4 સ્પર્ધકો પડી ગયા હતા, જેમને તાત્કાલિક ધોરણે નીચ લાવવામાં આવ્યા હતાં. અત્રે ઉલ્લેખનીય છે કે, ગઢ ઉપર સારવાર માટે કોઈ જ વ્યવસ્થા ન હોવાથી 4એ સ્પર્ધકોને નીચે લાવવામાં આવ્યા હતા.  

પોલીસ જવાનો ખુરશીમાં બેસાડી તળેટી સુધી લાવ્યા
આપને જણાવી દઈએ કે, ઈડરમાં ઈડરિયા ગઢ આરોહ અવરોહણ સ્પર્ધાનું તો આયોજન વહીવટી તંત્ર કર્યું છે, પરંતુ ઉપર આરોગ્ય માટેની સુવિધા રાખવામાં તંત્ર નિષ્ફળ ગયો છે. જો કે, પોલીસકર્મીઓએ બિરદાવવા લાયક કામગીરી કરી છે. ખુરશીમાં બેસાડીને ઈજાગ્રસ્ત સ્પર્ધકોને ઈડરીયા ગઢથી નીચે લાવવામાં આવ્યા હતાં.

વાંચવા જેવું: ગુજરાતનાં બે દિવસ વરસાદની આગાહી: અમદાવાદથી લઈને સૌરાષ્ટ્ર અને દ.ગુજરાતનાં આ જિલ્લામાં ત્રાટકશે મેઘરાજા

આરોગ્યની સુવિધા રાખવામાં તંત્ર નિષ્ફળ ગયો !
પોલીસકર્મીઓ દ્વારા ઈજાગ્રસ્ત ચારએ સ્પર્ધકોને ખુરશીમાં બેસાડીને ઉપરથી તળેટી સુધી લઈ આવ્યા હતા, ત્યારબાદ તે ચારએ સ્પર્ધકોને એમ્બ્યુલન્સ મારફતે હોસ્પિટલ ખસેડવામાં આવ્યા હતા. આરોહ અવરોહ સ્પર્ધા સમય ત્યાં કઈ જ આરોગ્યની સુવિધા ન હોવાથી મુશ્કેલી સર્જાઈ હતી.