મોટો નિર્ણય / 300 કાર્ગો ટર્મિનલ બનશે, 1.25 લાખ નવી નોકરીઓનું સર્જન- રેલવે જમીન લીઝ પોલીસીને કેન્દ્રની મંજૂરી

• રેલવે જમીન લીઝ પોલીસીને કેન્દ્ર સરકારની મંજૂરી
• 5 વર્ષમાં 300 કાર્ગો ટર્મિનલ બનાવાશે
• આને કારણે 1.25 લાખ નવી નોકરીઓનું સર્જન થશે

રેલવેની આવક વધારવા માટે તથા માલસામાનની સરળતાથી અવરજવર થઈ શકે તે માટે કેન્દ્ર સરકારે એક મોટો નિર્ણય લીધો છે. બુધવારે પીએમ મોદીની અધ્યક્ષતામાં મળેલી કેન્દ્રીય કેબિનેટની બેઠકમાં રેલવેની જમીનોને લાંબા ગાળાની લીઝ આપવા સંબંધિત એક નીતિને મંજૂરી આપી દેવાઈ છે. પીએમ ગતિ શક્તિ ફ્રેમવર્કને આગળ ધપાવવા માટે આ નીતિને મંજૂરી આપવામાં આવી છે. આ યોજના હેઠળ પાંચ વર્ષમાં 300 કાર્ગો ટર્મિનલ બનાવવાનો નિર્ણય લેવાયો છે. રેલવે કાર્ગો ટર્મિનલ બનવાને કારણે 1.25 લાખ લોકોને સીધી નોકરી મળશે. 

#Cabinet approves policy on long term leasing of Railways' Land for implementing PM Gati Shakti framework

With employment generation potential of about 1.2 lakh jobs, the policy will also bring more revenue to #Railways

300 #pmgatishakti Cargo Terminals to be developed in 5 yrs pic.twitter.com/AelapcD7eR

— Satyendra Prakash (@DG_PIB) September 7, 2022

1.25 લાખ નવી નોકરીઓનું સર્જન
આ નીતિ હેઠળ આગામી પાંચ વર્ષમાં 300 કાર્ગો ટર્મિનલ બનાવવામાં આવશે જેને કારણે નૂર ટ્રાફિકમાં ઘટાડો થશે અને માલગાડીઓની સરળતાથી અવરજવર થઈ શકશે. આનાથી 1.25 લાખ નવી નોકરીઓનું પણ સર્જન થશે. 

The Cabinet chaired by PM Shri @narendramodi Ji approved the policy on long term leasing of Railways' Land for implementing PM Gati Shakti framework.

The decision would help to generate 1.2 lakh jobs and generate more revenues for Indian Railways.#CabinetDecisions #GatiShakti pic.twitter.com/B5xISQNRLd

— Nitin Gadkari (@nitin_gadkari) September 7, 2022

રેલવેને મળશુ વધુ આવક
રેલવેની જમીનોને લાંબા ગાળાની લીઝ પર આપવાથી રેલવેને વધુ સારી આવક થશે.

90 દિવસમાં નીતિનો અમલ થશે 
કેબિનેટની બેઠક બાદ પત્રકારોને માહિતી આપતાં કેન્દ્રીય મંત્રી અનુરાગ ઠાકુરે કહ્યું કે પીએમ ગતિ શક્તિ ફ્રેમવર્કનો અમલ કરવા માટે રેલવેની જમીનને લાંબા ગાળાની લીઝ પર આપવાની નીતિનો આગામી 90 દિવસમાં અમલ કરવામાં આવશે. 

પીએમ ગતિ શક્તિ યોજનાને ફંડ પુરુ પડાશે
રેલવેની જમીનને લીઝ પર આપીને જે પણ ફંડ આવશે તેનો ઉપયોગ પીએમ ગતિ શક્તિ યોજના માટે કરવામાં આવશે.